2 SAMUEL 21:9 - AMÜSÜH HÜM CL Bible (BSI)

⁹ apinü arübo Gibeonrü khah ching jih, tüsho arünü arübo Atungpuh miki awung kheak zhin. Arü 7 ju rukhühnü dükheakabah. Arü ju barli yimlukhi atankih ching akhuhbe nimung sheshih.

2 SAMUEL 21:9 Iomraidhean Croise

2 SAMUEL 21:6

api tsührü athrürü 7 ju isa kilim jihang, tüsho Atungpuhnü mokhitkhi Saul kiuto Gibeon kheak Atungpuh miki isanü arü wuka zhinbah.” Kiulongthsüpuhnü tha, “Inü arübo jihabahbah.”

2 SAMUEL 6:17

Arünü Atungpuh sangdan lubah yüzah, tüsho khimyam alunglim Davidnü thsüa zokhi azopung kheak zo; tüsho Davidnü taka kingaün tüsho mungtsü kingaünkhi Atungpuh miki jih.

2 SAMUEL 6:21

Davidnü Mikal ki tha, “Ha Atungpuh miki nü buh tüsho api yamkhün müthri Atungpuh mihtsürü Israel kurungkheak kiulongthsürü thsüshihpü mokhitkheah, jumonü inü Atungpuh miki tsünkheah.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 9:31

Kheakü mükebün le barli thsümünim, tümütüsho barli müna lakheah tüsho mükebün pungde alakheah.

ABEKHIT 9:32

Tüshe wheat müthsümünim, tümüde ju ashulim münchoh.

WÜHKHE 25:4

Tüsho Atungpuhnü Mosa ki tha, “ Mihtsürü limberübo alala bea lung, tüsho Atungpuh miki anidüchi ching zhinang, ju hode Atungpuh bukakhiukkhi Israel kheaknü rholode atsobah.”

YUZÜNGTHALO 21:22

“Mihtsürü khülangnü ashepü thülünde neak yihbeakbahle api sheshihsho, tüsho nüsanü api sangdung kheak zhinsho,

RUTH 1:22

Hanangde Naominü Moabrü atsühmeakbe Ruth bebah alodarü. Ane Bethlehem khiungchoki barli hi yimlupü tankihde alakheah.

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.