2 SAMUEL 21:7 - AMÜSÜH HÜM CL Bible (BSI)

⁷ Tüshe kiulongthsüpuhnü Saul kheak yo Jonathan tsührü Mephiboshet aninga lashih, tümütüsho ju David le Saul tsührü Jonathan ane dükeak Atungpuh thiyuchihchimkhinü ah.

2 SAMUEL 21:7 Iomraidhean Croise

2 SAMUEL 16:4

Judüki kiulongthsüpuhnü Ziba ki tha, “Mephiboshet yo athrünkhi kheakü nü yo ah.” Zibanü tha, “Inü akin jihchoh; I tungpuh kiulongthsüpuh nü miki I mihmuzho ngüshang.”

2 SAMUEL 19:25

Küyimki apinü kiulongthsüpuh shorupü Jirusalem chingnü arükhea, kiulongthsüpuhnü api ki tha, “Mephiboshet, tümüde nü I lung müyükhea?”

2 SAMUEL 4:4

Saul tsührü Jonathan a jing kikkhi tsührü khülang lakheah. Küyimki Saul tüsho Jonathan dünkheak Jezreel chingnü thiyusheak arükheanü api kam 5 lakheah. Api mütrürünü shuh-a lubah alihde tso; tüsho anihbe niokheamde atsochoki, api ayokhi tüsho jingkikrü kamkheah. Api mung Mephiboshet lakheah.

2 SAMUEL 9:1

Davidnü keokhi, “Jonathan thsülimnü inü mihmuzho huhpü thsüde Saul yamkhün khürü aninga la shi?”

2 SAMUEL 9:10

Nü tüsho nü tsührübo le nü yamlarübonü api thsungkheak thulu thsübah tüsho yimlubah, junangde nü putungpuh tsührü-tsührü tsühyungpü ngübah; tüshe nü putungpuh tsührü-tsührü Mephiboshet a kamruhroro I dükhüm kheak yimtsühbah.” Kheakü Zeba tsührü athrürü 15 tüsho yamlarü 20 lakheah.

2 SAMUEL 9:6

Saul tsührü Jonathan tsührü Mephiboshet David kilim arü, tüsho amiro koyubah akin jih. Davidnü tha, “Mephiboshet!” Apinü alo, “I nü yamlarü ah.”

2 SAMUEL 9:7

Davidnü api ki tha, “Dütre, tümüde nü buh Jonathan thsülimnü inü nü ki mihmuzho huhbah; nü pü Saul lo alala nü kilim inü ajihlobah, tüsho kamruhroro nü I dükhüm kheak yimtsühbah.”

T H S AN GYU T H S AN GR ARÜ 8:2

Thrünpuh ki thiyuchihchimkhi hode kiulongthsüpuh yukhüm rhimoang.

1 SAMUEL 18:3

Judüki Jonathannü David kheak tangzüng khülang thsü, tümütüsho anihbuh me nangde api muzho.

1 SAMUEL 20:12

Jonathannü David ki tha, “Israel Thrünpuh, Atungpuh thiyumütsan lah! Küyimki inü shido yungsho zhihdo I buh ki mün akhiukbanü, tüsho apinü David kilim lümkhi tsüsho, inü thiyia arü nü ki müthashihba de?

1 SAMUEL 20:15

Atungpuhnü David riribo alomi kheaknü shahde dükheakshih-a lalashe nü thiyuro amuzho I yamkhün kheaknü düluakhin.”

1 SAMUEL 20:17

Kheaküshe Jonathannü David ki anihbuh ki muzhopü thsungkheak thiyuchihchimshih; tümüde nihbuh rhangdung muzhokhi nangde apinü anihbuh muzho.

1 SAMUEL 20:42

Judüki Jonathannü David ki tha, “ Mungtsü chingnü yüang, tümüde ike chidonü Atungpuh mung chingnü thiyuchihchimde tha, ‘Ike dükeak, tüsho I tsühsoniuso le nü tsühsoniuso dükeak lünnü Atungpuh labah.’” Apinü asürü tüsho tsoabah; tüsho Jonathan a kiuto ching yü.

1 SAMUEL 20:8

Jumonü nü yamlarü ki muzhode rhimoang, tümüde nünü nü yamlarü amüsüh tangzüngkhi ching nü lung bedarüdo. Tüshe I kheak amülim lasho, nünü I laksahang; tümü thsüpü nünü I nü buh ki bede ayüpü?”

1 SAMUEL 23:18

Judüki anenü Atungpuh miki tangzüng; David a Horesh ching la, tüsho Jonathan thüyam lim wulung.

1 SAMUEL 24:22

Jumonü Davidnü ha Saul ki thiyuchihchim. Jushu Saul thüyam lim yü; tüshe David le amihtsürübo a arü jikpung lim wutu.