2 SAMUEL 21:6 - AMÜSÜH HÜM CL Bible (BSI)

⁶ api tsührü athrürü 7 ju isa kilim jihang, tüsho Atungpuhnü mokhitkhi Saul kiuto Gibeon kheak Atungpuh miki isanü arü wuka zhinbah.” Kiulongthsüpuhnü tha, “Inü arübo jihabahbah.”

2 SAMUEL 21:6 Iomraidhean Croise

THRÜNTAN 40:19

Nimung mahsam dükeak chingnü Pharaonü nü bekhitbah tüsho nü sangdung khülang kheak zhinbah; tüsho wuhnubonü nü shih tsühbah.”

THRÜNTAN 40:22

Tüshe Josepnü ane ki thanakkhi nangde, apinü yikhap-takrü azopü a wuka zhin.

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

2 SAMUEL 18:10

Mihtsürü khülangnü ju ngü tüsho Joab ki tha, “Inü Absalom thülamsang kheak zhina kihde ngüdo.”

2 SAMUEL 19:28

Tümüde I pü buhtsührübo kiulongthsüpuh miki thülünde sheshih; tüshe nü yamlarü a nü dükhüm kheak yimtsührü lung nünü zojih. Kheaküshe kiulongthsüpuh ki mushupü I alim tümü la?”

1 KIUTHSÜYUKHEAN 12:3

Akubeatobuh ju Ahiezer, ju khin Joash, ane chido Gibearü Shemaa tsührü; kheaküshe Azmaveth tsührübo Jeziel tüsho Pelet; Beraka, Anathothrü Jehu.

EZRA 6:11

Ha yakzan manipü larü thsungkheak I yukhüm jihchoh, abinkiu sang ayam chingnü thokhita khimbah ju kheak zhinde asheshihbah, tüsho ayam ju bahyakpung kamshihbah.

ESTER 9:10

harü mihtsürü thürü ha Jihudarü riri Hammedatha tsührü Haman tsührübo ah; tüshe arünü kukruk a muqiu.

MATHI 27:5

Judüki apinü shotoyinchibo ju arüngyam ching jipa bahbah tso, tüsho yübah aküdah thsüde süksah.

YUNIRÜBO RHIMO 13:21

Tüsho ju dunglim arünü kiulongthsürü khülang kheang; jumonü Thrünpuhnü Benjamin trük mihtsürü Kish tsührü Saul kam yirü khiungde yakzan shuhshih.

YUZÜNGTHALO 21:22

“Mihtsürü khülangnü ashepü thülünde neak yihbeakbahle api sheshihsho, tüsho nüsanü api sangdung kheak zhinsho,

JIHUSUA 10:26

Ju dunglim Jihusuanü kiulongthsürü phüngü ju laksah tüsho arelim khiungde arü pang sangdung phüngü kheak zhina zo.

JIHUSUA 8:29

Apinü Ai kiulongthsüpuh pang ju sang kheak arelim khiungde zhin. Ani yüzahshu pang ju ayihkhipü Jihusuanü thiyukhüm jih, tüsho ju kiuto khuhto chipimurung limpeang jipa bah, tüsho ju kheak lung rhunga mujukshih, ju khihni khiungde lah.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 10:24

Samuelnü mihtsürü alala ki tha, “Atungpuhnü amokhitkhi ha nüsanü ngüchonah? Api nangde mihtsürü alala bolung she müla.” Tüsho mihtsürü alalanü zhi, “ Kiulongthsüpuh kutsüpshang!”

1 SAMUEL 10:26

Saul she api yam lim Gibea ching yü, tüsho api lung Thrünpuhnü mulong qiukhi adüküng bonungrübo yü.

1 SAMUEL 11:4

Küyimki yunithsürübo Saul lapung Gibea ching arükhea, arünü mihtsürübonü sode amütsan yusheak thaa huh; tüsho mihtsürü alala achangnü trip.

1 SAMUEL 24:21

Jumonü I dunglim nünü I tsühsoniuso müdükheakshih yungsho I buh yamkhün chingnü I mung nandoa mübah de Atungpuh mung chingnü I ki thiyuchihchimang.”

1 SAMUEL 24:22

Jumonü Davidnü ha Saul ki thiyuchihchim. Jushu Saul thüyam lim yü; tüshe David le amihtsürübo a arü jikpung lim wutu.