2 SAMUEL 21:3 - AMÜSÜH HÜM CL Bible (BSI)

³ Davidnü Gibeonrü ki tha, “Nüsa thsungkheak inü tümü rhimoba? Nüsanü Atungpuh mihtsürü müngühjihpü thsüde inü nüsa tümünü dünthsükhijihba?”

2 SAMUEL 21:3 Iomraidhean Croise

2 SAMUEL 20:19

I Israel ching mungtsü tüsho thiyuro amuzho lakhi bolung khülang ah; Israel ching lakhi berü kiuto thsümünimpü nünü yimchoh; tümüde nünü Atungpuh yamrüplurüp muyuba le?”

ABEKHIT 32:30

Ashidopü Mosanü mihtsürübo ki tha, “Nüsanü tode neak yihbeakdo. Tüshe kheakü I Atungpuh kilim wutubah; khükijua inü nüsa neak dünthsükhijihbah.”

LEVI 1:4

Apinü taka kingaünkhi ku kheak akhah nimbah, tüsho api neak thsükhiabahkhi kingaün dün leangkhibah.

JONA 1:11

Judüki arünü api ki tha, “ Isa thsungkheaknü keto keamlopü thsüde isanü nü kheak tümü rhimoba?” Tümüde keto ju alübe alübe müküpde alakheah.

IBRI 9:22

Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.

1 SAMUEL 2:25

Mihtsürü khürünü püpürü azhihde neak yihbeaksho, Thrünpuhnü api mahkhapbah tüshe khürünü Atungpuh azhihde neak yihbeaksho, shepünü neak kheangjihpü?” Tüshe arünü arü abuh düsheak mani; tümüde arü laksahpü ju Atungpuh lümkhi lakheah.

1 SAMUEL 26:19

Jumonü kheakü I tungpuh kiulongthsüpuhnü api yamlarü yu sojang. I kheak azhihde bukakhiukkhi ju Atungpuh hode thsüa lasho, apinü kingaün leangkhishang; tüshe ha mihtsürünü thsüa lasho, Atungpuh muthrumünean arü kheak yükihshang. Tümüde arünü khihni Atungpuh yamrüplurüp I shihcham chingnü yankhita bahde tha, ‘Yüang, püpürü thrünpuhbo tankihang.’