2 SAMUEL 21:17 - AMÜSÜH HÜM CL Bible (BSI)

¹⁷ Tüshe Zeruia tsührü Abishainü api rungpü arü, tüsho Filistiarü yande apinü laksah. Judüki David mihtsürübonü api ki thiyuchihchim, “Kheaküa nü isa lung thirithsüpü müyü, junangde Israel tsünpung nünü mümütshih.”

2 SAMUEL 21:17 Iomraidhean Croise

2 SAMUEL 14:7

Kheakü betsührü alalanü nü yamlaberü kheak azhihde wusudo. Arünü thachoh, ‘Nihbuh khiungmungrü laksahbuh mihtsürü ju jihang, junangde yamrüplurüp lupü isanü thsümünimnim she apinü alaksahkhi akhiung rhangdung dünkheaknü isanü api laksahbah.’ Hanangde arünü I mulonglamkhi akheam thsümünimjihbah tüsho alomi kheak I niubuh mung mülapü thsüde tsührü mülashihde akambah.”

2 SAMUEL 18:2

Tüsho Davidnü bonungrü khunung mahsam thsüde cham: khunung khülang Joab yukhüm bukkhüp, khunung khülang Joab akhiung Zeruia tsührü Abishai yukhüm bukkhüp, tüsho khunung khülang Gitrü Ittai yukhüm bukkhüp. Kiulongthsüpuhnü mihtsürübo ki tha, “I she nüsa lung yübah.”

2 SAMUEL 18:3

Tüshe mihtsürübonü tha, “Nü duwukhiuk. Tümüde isa shande tsosho, arünü isa müküm. Isa chamkhüh shesho, arünü isa müküm. Tüshe nü a isa chithürü thürü dün ah; jumonü nünü kiuto chingnü isa kilim arung arüshihpü tsülah.”

2 SAMUEL 22:19

I thsümütsü nimung arübo I kheak arü, tüshe Atungpuh ju I angükihpung lakheah.

2 SAMUEL 22:29

Dükde, nü I tsünpung, O Atungpuh , Atungpuhnü I yo amitingnü ayin kamshihchoh.

1 KIULONG THSÜRÜ 11:36

Tütüshe api tsührü kilim inü trük 1 jihbah, junangde I mung zopü inü amokhitkhi kiuto, Jirusalem ching David thsungkheak tsünpung khülang kamruhroro I miki labah.

1 KIULONG THSÜRÜ 15:4

Judüalalashe David mung chingnü api dunglim atsührü zojihde, tüsho Jirusalem züngkümde Atungpuh api Thrünpuhnü Jirusalem ching api kilim tsünpung khülang jih;

MUNGSHIKHÜN 132:17

Ju ching inü David juh akhiukshihbah; inü mujude-mokhitkhi thsungkheak inü tsünpung khülang thsakhambah.

MUNGSHIKHÜN 144:10

shepünü kiulongthsürübo kilim akuk ngüshihcho, shepünü api yamlarü David bekhit.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

JEREMIA 40:15

Judüki Karea tsührü ki ramde asuk, “Muzhobah I yüanü tüsho Nethania tsührü Ishmael laksahanü, tüsho shenü she mümükheah. Tümüde apinü nü rhangdung lushihpü, junangde nü mükamde alarü Jehudarü alala hiumüzütshihpü, tüsho aningkhi Juda dükheakshihpü?”

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.