2 SAMUEL 21:16 - AMÜSÜH HÜM CL Bible (BSI)

¹⁶ Atoshang tsührü-tsührü bolung khülang, api yo müwayinchi thsüh khahngak 300 akumung, tüsho thirithsü zülu aso yihkhi, Ishbibenobnü David laksahpü lüm.

2 SAMUEL 21:16 Iomraidhean Croise

THRÜNTAN 14:5

Kam thürükheak phüyipü ching Kedorlaomer tüsho api lung kiulongthsürübo arihbah wukhiuk tüsho Ashterothkarnaim ching Rhepharü, Ham ching Zuzimrü, Shave-kiriathaim ching Emirü

THRÜNTAN 6:4

Judüki alomi ching Nephilimrübo lakheah, tüsho ju dunglim Thrünpuh tsührübonü mihtsürü tsührübebo kheak müyam tüsho arü kilim tsührübo zübejih. Jurübo adüsonü athrungrü tüsho mungkhung mihtsürübo lakheah.

2 SAMUEL 21:18

Ju dunglim Gob ching Filistiarü kheak thirithsü; judüki Hushathrü Sibbekainü atoshang Rabha tsührü-tsührü bolung khülang Saph laksah.

2 SAMUEL 21:20

Kheaküshe Gath ching thirithsü lakheah, ju ching mihtsürü khülang trungdung ato lakheah, akhah abande yingkhing 6, tüsho amüphü abande yingmünüpü 6, alala thsürubah 24; api she Rabha tsührü-tsührü lakheah.

2 SAMUEL 21:22

Harü 4 ha Gath ching Rabha kheaknü atrükkhitkhibo ah; arübo ju David tüsho api yamlarübo khah hode keamshih.

2 SAMUEL 5:18

Kheakü Filistiarü arü tüsho Rephaim jindükhün ching sukkhi.

WÜHKHE 13:22

Arünü Negeb lim wutu, tüsho Hebron lim arü; tüsho ju ching Anak atoshang tsührübo Ahiman, Sheshai, tüsho Talmai pürü lakheah. (Hebron ju Ijip ching Zoan kheaknü kam thünenü akhuh thrüna lakheah.)

WÜHKHE 13:28

Kheaküshe, ju ching lakhi mihtsürübo müranglah; kiutobo ju ayündolah tüsho amülakbo ah; kheaküshe ju ching isanü Anak tsührübo ngüdo.

YUZÜNGTHALO 1:28

Isa küching yükhukpü? Isa keoniorübonü isa mulong ninishihde tha, Mihtsürübo isa kheaknü atoshang ah; kiutobo thüning khiungde chipi ayünlah; kheaküshe isanü ju ching Anakim tsührübo ngüdo.

YUZÜNGTHALO 2:10

(Adüso ju ching mihtsürü ato tüsho wüh hihkhi Anakim nangde Emimrü lakheah.

YUZÜNGTHALO 2:11

Anakim nangde arü ju atoshang khede alakheah, tüshe Moabrünü arü ki Emim de ji.

YUZÜNGTHALO 2:21

mihtsürü ato, wüh hihkhi, tüsho Anakrü lo; tüshe Atungpuhnü Amonrü müngüh arübo dükheakshih, junangde arünü yankhita bahbah arü lo ching la;

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)

YUZÜNGTHALO 9:2

Anakim tsührü-tsührü, mihtsürü ato tüsho ashang, sherü nüsanü mükheahla tüsho tha, Shepünü Anak tsühsoniuso müngüh zhipkhukpü?

JIHUSUA 11:22

Israel ching larü Anakimrü sheshe maningshih; tüshe, Gaza, Gath, tüsho Ashdod ching larü anükhüh aningjih.

JIHUSUA 15:14

Tüsho ju kiuto ching larü Anak tsührü mahsam Sheshai, Ahiman tüsho Talmai ju Kalebnü yankhitabah.

1 SAMUEL 17:7

Thsühphi ju khim-keakrü khümku ruk lakheah, tüsho thsühbeak ju khahngak 7 lakheah; tüsho tsung hanrü api müngüh yü.