2 SAMUEL 21:15 - AMÜSÜH HÜM CL Bible (BSI)

¹⁵ Filistiarünü Israel bede keochihpü yü, tüsho David le api yamlarü rukhühnü yüki. Arünü Filistiarü bede keochih, tüsho David keakabah.

2 SAMUEL 21:15 Iomraidhean Croise

2 SAMUEL 21:16

Atoshang tsührü-tsührü bolung khülang, api yo müwayinchi thsüh khahngak 300 akumung, tüsho thirithsü zülu aso yihkhi, Ishbibenobnü David laksahpü lüm.

2 SAMUEL 5:17

Küyimki David ju Israel kurungkheak kiulongthsürü kamshihdo de Filistiarünü asokhea, Filistiarü alala David yimde wutu; tüshe Davidnü ju sobah chipi ayünkhi ching yüzah.

2 SAMUEL 5:22

Kheaküshe Filistiarü atu, tüsho Rephaim jindükhün ching sukkhi.

2 SAMUEL 5:25

Atungpuhnü thiyukhüm jihkhi nangde Davidnü rhimo; tüsho apinü Filistiarü Geba chingnü Gezer khiungde yande müsham.

2 SAMUEL 8:1

Kim anükhüh dunglim, Davidnü Filistiarü yan tüsho arü bukkhüp kamshih; Filistiarü khah chingnü Davidnü Metheg-amma lu.

1 KIUTHSÜYUKHEAN 20:4

Ha dunglim, Gezer ching Filistiarü kheak thirithsü akhiuk; judüki Husharü Sibbekainü atoshang tsühsoniuso bolungnü Sippai laksah; tüsho Filistiarü khenoabah.

MUNGSHIKHÜN 71:18

Kheaküshe I küyimki ashinbuhrü tüsho kubuyukba, inü ha arüpü lakhi lün mihbüm aban ki nü wu tüsho sühmüh müthayikia, O Thrünpuh, I dübahyuk.

MUNGSHIKHÜN 71:9

I ashinkhi kim ching I yana dübah; I sühmüh mülade akamchoki I dübahyuk.

MUNGSHIKHÜN 73:26

I shih tüsho I mulong shekhipü kuklah; tüshe Thrünpuh ju I mulong sühmüh tüsho lünnü I shihcham.

T H S AN GYU T H S AN GR ARÜ 12:3

thüyam aheangrü ajankhi nimung ching, tüsho sühmüh lakhi mihtsürü hünabahba, tüsho azoberübo hi-chukhi tukloba tümütüsho arü nüklah, tüsho shepünü ayinripit chingnü rimrimde angüba;