2 SAMUEL 21:10 - AMÜSÜH HÜM CL Bible (BSI)

¹⁰ Judüki yimlukhi kim chingnü mumükin tsüng marüyi khiungde Aia tsührü Rizpanü shungliukhim lubah anihbe thsungkheak lungto khülang kheak dütrüta pinga zo; alibenü animung wuhnubo mibo kheak marüshih, yungsho azhing ching mütüm shiwüh marüshih.

2 SAMUEL 21:10 Iomraidhean Croise

THRÜNTAN 40:19

Nimung mahsam dükeak chingnü Pharaonü nü bekhitbah tüsho nü sangdung khülang kheak zhinbah; tüsho wuhnubonü nü shih tsühbah.”

2 SAMUEL 21:11

Küyimki Saul hanniube Aia tsührü Rizpanü arhimokhi David ki thakhea,

2 SAMUEL 3:7

Kheakü Saul a hanniube Aia tsührü Rizpa lakheah. Tüsho Ishboshetnü Abner ki tha, “Tümüde nünü I buh hanniube lung nungkhea?”

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

EZEKIEL 39:4

Nü tüsho bonungrü le nü lung lakhi mihtsürü alala Israel müzüngbo kheak keambah. Inü nü shihtsüh wuhnu mungjibo tüsho mütüm shiwühbo tsühshihpü jihbah;

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

JOEL 1:18

Küdükhüh shiwühbonü khungcho! Moshi boto rümde tsahchoh tümütüsho arü thsungkheak rim müla; namfimihnu boto she küpkhukchoh.

JOEL 2:23

O Zion zürübo, Atungpuh nüsa Thrünpuh lung asühang tüsho asühachihang; tümüde apinü thiyuro-lungkinü nüsa kilim mumükin tsüng jihdo. Apinü nüsa kilim suhdahde, mumükin tüsho mükheankim tsüng püpüki nangde arüshihdo.

ZEKARIA 10:1

Atungpuh , chinthrüm mo thsübuh ki mükheankim tsüng akheahmünchi ching kheangang. Apinü mihtsürü kilim tsüng arüshihchoh, tüsho mihbüm aban kilim thulu sangrungbo jihchoh.

YUZÜNGTHALO 11:14

nüsa lo thsungkheaknü inü akheahmünchi ching, akhuhbe tüsho ashube tsüng arüshihbah, junangde nüsanü hi, yukhu tüsho oliv müdangke hanmukhungbah.

YUZÜNGTHALO 21:13

Anihbenü aramrü khimmih müthribah nü yam ching labah, tüsho abe le abuh thsungkheak khinu khülang tüzhobah; jushu nünü alibe luang.

YUZÜNGTHALO 21:22

“Mihtsürü khülangnü ashepü thülünde neak yihbeakbahle api sheshihsho, tüsho nüsanü api sangdung kheak zhinsho,

YUZÜNGTHALO 21:23

api mi ju sangdung kheak tsüngreroro düzo, tüshe nüsanü api ju ninü kiuyuka bahang, tümüde shepü zhindünü Thrünpuh muthrumüneankhi ah. Atungpuh nüsa Thrünpuhnü nüsa kilim yamrüplurüp jihkhi lo nüsanü mümüneanbeah.

1 SAMUEL 17:44

Goliathnü David ki tha, “I kilim arang, tüsho inü nü shihtsü thüning wuhnubo tüsho thulu ching lakhi mütüm shiwühbo kipanü.”

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,