2 SAMUEL 21:1 - AMÜSÜH HÜM CL Bible (BSI)

¹ Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

2 SAMUEL 21:1 Iomraidhean Croise

THRÜNTAN 12:10

Kheakü lomi ching khümzung lakheah, tüsho Abramnü Ijip ching lacholapü yüki, tümüde lomi ching khümzung ju muthsukdakde alakheah.

THRÜNTAN 26:1

Akhuhlim Abraham kim ching lakhi khümzung kheaknü püpü khümzung lomi ching lakheah. Tüsho Isaknü Gerar ching Filistia kiulongthsüpuh Abimelek kilim yü.

THRÜNTAN 41:57

Jumonü alomi alalanü hi thulopü Ijip ching Josep kilim arü, tümütüsho khümzung ju lomi alala ching muthsukde alakheah.

THRÜNTAN 42:5

Tüsho Israel tsührübonü hantsahrü bolungnü hi thulopü yü, tümüde Kanan lomi ching khümzung lakheah.

THRÜNTAN 43:1

Kheakü lomi ching khümzung ju muthsukde alakheah.

2 SAMUEL 16:8

Saul yamkhün ching thiyih bukshihbah, api müthri nünü kiulongthsükhi dünkheak Atungpuhnü nüsa alala kheak royimdo; tüsho Atungpuhnü kiulongthsü nü tsührü Absalom khah ching jihabahdo. Kheahang, thsümütsünü nü alapdo; tümüde nü thiyih bukshihrü mihtsürü ah.”

2 SAMUEL 20:26

tüsho Jairü Ira she David yo amükeambuh lakheah.

2 SAMUEL 21:5

Arünü kiulongthsüpuh ki tha, “Israel lomi ching isa lapung mülashihpü thsüde, mihtsürü shepünü isa tsühabahkhea tüsho isa thsümünimpü lümkhi thsükhea–

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 SAMUEL 5:19

Davidnü Atungpuh ki keokhi, “I Filistiarü azhihde wutuba shi? Nünü arübo I khah ching jihba shi?” Atungpuhnü David ki tha, “Wutuang; tümütüsho tsükjide Filistiarü nü khah ching jihbah.”

2 SAMUEL 5:23

Küyimki Davidnü Atungpuh ki keokheanü, apinü tha, “Nü duwutu; arü dunglim mükamde yüang, tüsho balsam sang kinü arü tholoang.

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 18:2

Jumonü Elijanü yü tüsho Ahab shoru. Khümzung ju Samaria ching khitode alakheah.

2 KIULONG THSÜRÜ 6:25

Ayankhi hode Samaria ching khümzung arü, junangde donki ku ju shotoyinchi 8 tüsho guduru khih düpüt 200 mo shotoyinchi 5nü yin.

2 KIULONG THSÜRÜ 8:1

Kheakü Elishanü atsührü arhang kamloshihkhi azoberü ki tha, “Asürang, nü tüsho nü yamkhün yüang, tüsho nünü küching lakhukbanü ju ching laang; tümüde Atungpuhnü khümzung jido, tüsho ju lomi ching kam thüne arübah.”

JOB HU H T ANYU 10:2

Inü Thrünpuh ki thabah; I dübahyuk; tümü thsükhi nünü I azhihchonü I ki mükheahshang.

MUNGSHIKHÜN 27:8

Nünü tha, “Nünü I miro yimang.” I mulongnü nü ki thachoh, “Atungpuh , inü nü miro yimchoh.”

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

LEVI 26:26

Küyimki inü nüsa tsühyungpü zhimzhakshihbanü, aliberü thürünü yinchi kuk khülang ching yikhap dambah, tüsho arünü adünloa nüsa kipbah; ju nüsanü atsühbah, tüshe bukmüthsü.

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

JIHUSUA 7:1

Jirikho chingnü tümükhüh lang she lusho asheshihbah de Atungpuhnü thiyukhüm jihkhi ju Israelrü bolung Akhannü mani, jumonü Atungpuhnü Israelrü kheak bukakhiuk. (Akhan ju Judarü Zabdi tsührü Karmi tsührü tüsho Zera guk chingnü alakheah.)

JIHUSUA 9:20

Isanü thiyuchihchimkhi nangde isanü arübo rhangdung lashihbeah; jude thsüsho bukakhiukkhi isa kheak marü.

RUTH 1:1

Mahkhaprübonü yakzan shuhde alachoki lomi ching khümzung lakheah, tüsho Juda ching Bethlehem mihtsürü khülang Moab lomi ching, aniube tüsho tsührü athrürü mahne bebah tsode yünü la.

1 SAMUEL 10:22

Jumonü kheaküshe arünü Atungpuh ki keokhi, “ Mihtsürü ha ching marüyi de?” Tüsho Atungpuhnü alo, “ Kheahang, api hah thsükhi bolung jiklah.”

1 SAMUEL 23:11

Tüsho kheakü, nü yamlarünü asokhi nangde Saul akiba de? O Atungpuh , Israel Thrünpuh, inü nü ki mushuchoh, nü yamlarü ki thaang.” Atungpuhnü tha, “ Api akibah.”

1 SAMUEL 23:2

Davidnü Atungpuh ki keokhi, “Inü yübah harü Filistiarü yanba shi?” Atungpuhnü David ki tha, “Yübah Filistiarü yanang tüsho Keilah khümkhitang.”

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”