2 SAMUEL 20:9 - AMÜSÜH HÜM CL Bible (BSI)

⁹ Joabnü Amasa ki tha, “Akhiung, nü tsüde la shi?” Tüsho Joabnü amüthsüppü akhah tsülimnü Amasa ju amükhühnam kheaknü thoa lu.

2 SAMUEL 20:9 Iomraidhean Croise

2 SAMUEL 15:5

Küyimki mihtsürü khürünü akin jihpü thüninde arübanü, apinü akhah chungkhitbah api kheak tholo, tüsho müthsüp.

2 SAMUEL 17:25

Kheakü Absalomnü Amasa ju Joab müthri bonungrü kurungkheak shuhkihjih. Amasa ju Ishmaelrü Ithra tsührü lakheah, apinü Joab abe Zeruia achi Nahash tsührü Abigail lukheah.

2 SAMUEL 18:29

Kiulongthsüpuhnü tha, “Athrününgtsüngbuh Absalom tsüde la shi?” Ahimaaznü alo, “Joabnü nü yamlarü arüshihchoki, inü neamneamruru ato khülang ngüdo, tüshe ju küde thsüdünü inü mümükheah.”

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

MÜCHITMUDU 26:23

Mihbukmuyuk mulong hande künsahde alakhi münküpbo ju shotoyinchi changkhitkhinü alüpdokhi alophüh nangde lah.

MÜCHITMUDU 27:6

Müyamrünü yurijihkhi ju thiyuro, tüshe thiririnü müthsüpkhibo ju amülapyukbe.

JEREMIA 41:2

Nethania tsührü Ishmael tüsho api lung mihtsürü 10 wusu tüsho Shaphan tsührü Ahikam tsührü Gedalia nukshangnü laksah, tümütüsho Babilon kiulongthsüpuhnü api lomi ching kovünor mokhita lakheah.

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

MAHKHAPRÜ 3:15

Tüsho küyimki Israelrü tsührübonü Atungpuh ki zhikhea, Atungpuhnü bekhitshihpü Benjamin trük chingnü Gera tsührü Ehud, huzulimnü arhimobuh asürüshih. Israelrünü Moab kiulongthsüpuh Eglon kilim api kheaknü ruk mühah-a yüshih.