2 SAMUEL 20:6 - AMÜSÜH HÜM CL Bible (BSI)

⁶ Davidnü Abishai ki tha, “Kheakü Bikri tsührü Shebanü Absalom kheaknü alü isa ki rhimobah; nü tungpuh yamlarübo bea lubah api müshamang, ju yungsho apinü chipi ayünkhi kiutobo yimkhitbah ajikbah, tüsho isa kheaknü atsokhibah.”

2 SAMUEL 20:6 Iomraidhean Croise

2 SAMUEL 10:14

Küyimki Siriarü tsokhi Amonrünü angükhea, arü she Abishai müngüh tso, tüsho kiuto ching yüzah. Jushu Joabnü Amonrü bede keochihkhi chingnü alodarü tüsho Jirusalem lim yü.

2 SAMUEL 11:11

Urianü David ki tha, “Sangdan tüsho Israel le Juda khimyam ching lah; tüsho I tungpuh Joab tüsho I tungpuh yamlarübo mükeak ching binkheamchoh; dale tüsho tsühyungpü tüsho I niube lung yappü I thüyam lim yüba shi? Nü rhangdung lakhi khiungde, inü hadürü mürhimo.”

2 SAMUEL 18:12

Tüshe mihtsürü junü Joab ki tha, “I khah ching shotoyinchi khahngak 1000 jihjih she, kiulongthsüpuh tsührü kheak inü I khah muchung; tümüde isanü sode Abishai tüsho Ittai ki kiulongthsüpuhnü thiyukhüm jihde tha: I thsülimnü athrününgtsüngbuh Absalom khümkhitang!

2 SAMUEL 18:2

Tüsho Davidnü bonungrü khunung mahsam thsüde cham: khunung khülang Joab yukhüm bukkhüp, khunung khülang Joab akhiung Zeruia tsührü Abishai yukhüm bukkhüp, tüsho khunung khülang Gitrü Ittai yukhüm bukkhüp. Kiulongthsüpuhnü mihtsürübo ki tha, “I she nüsa lung yübah.”

2 SAMUEL 19:7

Jumonü khülang ki wukhiukang tüsho nü yamlarübo ki muzhobah thiyu thaang; tümüde nü muwukhiuksho khihre nü lung mihtsürü khülang she müla de Atungpuh mung chingnü thiyuchihchimchoh; tüsho ju nü athunu kim chingnü kheakü khiungde küpkhukkhi bolung amütsübe labah.”

2 SAMUEL 2:18

Zeruia tsührü mahsam ju, Joab, Abishai, tüsho Asahel. Kheakü Asahel ju shihmüchi nangde athride alakheah.

2 SAMUEL 21:17

Tüshe Zeruia tsührü Abishainü api rungpü arü, tüsho Filistiarü yande apinü laksah. Judüki David mihtsürübonü api ki thiyuchihchim, “Kheaküa nü isa lung thirithsüpü müyü, junangde Israel tsünpung nünü mümütshih.”

2 SAMUEL 23:18

Kheakü Joab akhiung Zeruia tsührü Abishai ju samrü kumung aku lakheah. Api thsühnü mihtsürü 300 bede keochih tüsho arübo laksah tüsho mahsam khin kheak mungthu kam.

2 SAMUEL 3:30

Jumonü Joab tüsho akhiung Abishai anenü Abner laksah tümütüsho apinü thirithsüpung Gibeon ching akhiung Asahel laksah.

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

1 KIULONG THSÜRÜ 1:33

kiulongthsüpuhnü arü ki tha, “Nüsa lung nüsa tungpuh yamlarübo bebah yüang tüsho I yo khoranunu kheak I tsührü Solomon binshihbah api Gihon ching bebah akiang.

1 KIUTHSÜYUKHEAN 11:20

Kheakü Joab niurü Abishai samrü bolung akubeatobuh lakheah. Api thsühnü 300 bede keochih tüsho arübo laksah, tüsho mahsam lung mungthu ngü.

1 KIUTHSÜYUKHEAN 18:12

Zeruia tsührü Abishainü Edomrü 18,000 thimi jindükhün chingnü laksah.

JEREMIA 8:14

Tümüde isa kheakü khiungde binla? Rukhüh mukhungang, isanü chipi ayünkhi kiuto ching yüzahanü, tüsho ju ching dükheakanü; tümüde Atungpuh isa Thrünpuhnü isa dükheakshihpü akhuabahdo, tüsho müzüm ke ayungpü jihdo, tümütüsho isanü Atungpuh azhihde neak yihbeakdo.

MARK 3:24

Kiulongthsü khülangnü ju azhihde chamnaksho, ju kiulongthsü müzhipkhuk.

1 SAMUEL 26:6

Judüki Davidnü Hitrü Ahimelek tüsho Zeru tsührü Joab akhiung Abishai ki tha, “Binkheampung ching Saul kilim shepü I lung akiba?” Abishainü tha, “I nü lung yükibah.”