2 SAMUEL 20:21 - AMÜSÜH HÜM CL Bible (BSI)

²¹ Junangde yung! Tüshe Ephraim awung lomi mihtsürü Bikri tsührü Shebanü kiulongthsüpuh David azhihde akhah shuhkihdo; ha mihtsürü khülang jihabahang, tüsho I kiuto chingnü atsobah.” Alibenü Joab ki tha, “Api ku nü kilim chipi kumung jipa bahbah.”

2 SAMUEL 20:21 Iomraidhean Croise

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 SAMUEL 20:2

Jumonü Israel mihtsürü alala David bahkhibah Sheba dunglim yan; tüshe Juda mihtsürünü düngdüngde Jordan chingnü Jirusalem khiungde arü kiulongthsüpuh dunglim yan.

2 SAMUEL 20:20

Joabnü alo, “Inü amuyupü yungsho athsümünimpü I kheaknü limshuang!

2 SAMUEL 23:18

Kheakü Joab akhiung Zeruia tsührü Abishai ju samrü kumung aku lakheah. Api thsühnü mihtsürü 300 bede keochih tüsho arübo laksah tüsho mahsam khin kheak mungthu kam.

1 KIULONG THSÜRÜ 11:26

Ephraim ching Zeredarü Nebat tsührü, khimobe Zeruia tsührü Solomon yamlarü Jeroboamnü kiulongthsüpuh kheak azhih.

2 KIULONG THSÜRÜ 10:7

Küyimki kihüm arü khiungkhea, arünü kiulongthsüpuh tsührübo 70 laksah; arünü arü kubo muluk ching yuk tüsho api kilim Jezreel ching mühah.

2 KIULONG THSÜRÜ 5:22

Apinü alo, “Am, tüshe I putungrünü athapü I arüshih, ‘Wukihrü boto chingnü 2 Ephraim awung lomi chingnü kheakü arüa lah; muzhobah ane kilim shotoyinchi 3000 tüsho khim mihbüm 2 jihang.’”

JEREMIA 4:15

Tümüde Dan chingnü düsheak khülang thachoh tüsho Ephraim wung chingnü thsümütsü zhiyukchoh.

JEREMIA 50:19

Inü rimlopung ching Israel belodarübah tüsho Karmel kheak le Bashan ching yimtsühshihbah, tüsho Ephraim wungbo kheak Gilead ching apinü akünkhi reangkeambah.

JIHUSUA 24:33

Aron tsührü Eleazar sheabah; tüsho atsührü Phinehas kilim jihkhi Ephraim awung lomi Gibea ching arünü api mi kiuyukabah.

MAHKHAPRÜ 2:9

Tüsho arünü api ju Gaash Müzüng dukulim, Ephraim müzüngbo ching, Timna Heres ching ayamrüplurüp aredung yean phulung ching kiuyukabah.

MAHKHAPRÜ 7:24

Judüki Gideonnü Ephraim awung lomi alala ching yunithsürü thiyia yüshih, “ Midiarü azhihde akiang tüsho Beth-bara le Jordan kebo khiungde kapdoang.” Jumonü Ephraim mihtsürü alala jikhit, tüsho Beth-bara le Jordan khiungde kebo kapdo.

MAHKHAPRÜ 9:55

Tüsho küyimki Israel mihtsürübonü Abimelek shea ngükhea, mihtsürü abannü müzütde nihbuh lapung ching yü.

1 SAMUEL 24:6

Apinü amihtsürübo ki tha, “Atungpuhnü mujude-mokhitkhi I tungpuh kheak I khah dünkihpü Atungpuhnü I kilim danlah; tümüde api Atungpuhnü mujude-mokhitkhi lah.”

1 SAMUEL 26:9

Tüshe Davidnü Abishai ki tha, “ Api düthsümünim; tümüde khürünü Atungpuhnü mujudemokhitkhi kheak azhihde khah chungbah amülim mülabea de?”