2 SAMUEL 20:2 - AMÜSÜH HÜM CL Bible (BSI)

² Jumonü Israel mihtsürü alala David bahkhibah Sheba dunglim yan; tüshe Juda mihtsürünü düngdüngde Jordan chingnü Jirusalem khiungde arü kiulongthsüpuh dunglim yan.

2 SAMUEL 20:2 Iomraidhean Croise

2 SAMUEL 19:15

Jumonü kiulongthsüpuhnü Jordan ching alodarü; tüsho Judarünü kiulongthsüpuh shorupü tüsho api Jordan behopü Gilgal ching arü.

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 SAMUEL 20:21

Junangde yung! Tüshe Ephraim awung lomi mihtsürü Bikri tsührü Shebanü kiulongthsüpuh David azhihde akhah shuhkihdo; ha mihtsürü khülang jihabahang, tüsho I kiuto chingnü atsobah.” Alibenü Joab ki tha, “Api ku nü kilim chipi kumung jipa bahbah.”

2 SAMUEL 20:3

Davidnü Jirusalem ching api yam lim arü; tüsho kiulongthsüpuhnü thüyam kümpü lashihkhi hanniube 10 lu, tüsho arübo thüyam ching aheangshih, tüsho apinü arü kheak munung. Jumonü arübo ashe khiungde khimoberü nangde rihdoa la.

1 KIULONG THSÜRÜ 12:20

Küyimki Jeroboam alode arüdo de Israel alalanü asokhea, arünü yüshihbah api boto mukhung ching jidarü tüsho Israel alala kurungkheak api kiulongthsürü kamshih. Juda trük kheak hode David yamkhün yanrü sheshe mülakheah.

2 KIUTHSÜYUKHEAN 10:17

Tüshe Rehoboamnü Juda kiutobo ching larü Israel mihtsürübo kurungkheak kiulongthsü.

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

MÜCHITMUDU 17:14

Rukachih tankihkhi ju ke dükhekhi nangde lah; jumonü murukachihyide ju zhipdoabahang.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;