2 SAMUEL 20:13 - AMÜSÜH HÜM CL Bible (BSI)

¹³ Api limto chingnü luakhinshu, mihtsürü alalanü Bikri tsührü Sheba müshamde Joab dunglim yü.

2 SAMUEL 20:13 Iomraidhean Croise

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 SAMUEL 20:11

Tüsho Joab mihtsürü khülangnü Amasa pang kheak zhipbah tha, “Sherünü Joab mulongla, tüsho sherü David thsungkheaknü a, api Joab ru yanang.”

2 SAMUEL 20:14

Shebanü Israel trük alala hode Beth-maaka ching lakhi Abel lim yü; tüsho Bikrirü alala mukhungbah api dunglim kiuto ching yüzah.

2 KIULONG THSÜRÜ 18:17

Asiria kiulongthsüpuhnü bonungrü ahihdo lung Tartan, Rabsari tüsho Rabshake Lakish chingnü Jirusalem ching kiulongthsüpuh Hezekia kilim yüshih. Arünü wutu tüsho Jirusalem ching arü. Küyimki arü khiungkhea, Müsühmürarü Thulu limro ching achangbe kekhip keru ching zhip.

MÜCHITMUDU 16:17

Alungkirü limto ju amütsü kheaknü achamkhipü lah; shepünü nihbuh limro aheangchonü api rhangdung aheangchoh.

ISAIA 36:2

Asiria kiulongthsüpuhnü Lakish chingnü Rabshake lung bonungrü hihde bebah Jirusalem ching kiulongthsüpuh Hezekia kilim yüshih. Apinü achangbe kekhip keru Müsühmürarü Lu limto kheak zhip.

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

ISAIA 7:3

Judüki Atungpuhnü Isaia ki tha, Ahaz shorupü nü tüsho nü tsührü Shear-jashub Müsühmürarü Lu limto kheak akube kekung münitkhi-ru akheam kheak yüang,

JEREMIA 31:21

Nü thsungkheak limro-mütsan khimang, nünü lim-huhdung zhipshang; nü yükhi limro küpü limtoanü mütsanang. Rholoang, O atsangkhit Israel, nü kiutobo harü ching alodarang.

WÜHKHE 20:19

Jumonü Israel mihtsürübonü tha, “Isa limto yande ayübah, tüsho isa le isa shiwühbonü nüsa ke yungsho, isanü ju dün shakbah; zhikde isa jingnü hoshang, püpü müla.”

MARK 10:46

Jushu arünü Jirikho lim arü. Tüsho apinü ajingyanrübo le yimto ato lungnü Jirikho chingnü wukhiukde alachoki, Tima tsührü kakheangrü, müktukrü Bartima limro ching binde alakheah.

MAHKHAPRÜ 21:19

Judüki arünü tha, “Bethel dukulim, Bethel chingnü Shekem wutu lim limto aniakhiuklim, tüsho Lebbona düjinglim Shilo ching kam aban Atungpuh thünio khülang lachoh.”

1 SAMUEL 6:12

Moshibonü limto khülang yande langakindo Bethshemesh lim yü, arü yü yande koyude, arünü tsülim yungsho huzulim she manguh, tüsho Filistia kiulongthsürübonü arü dunglim Beth-shemesh aredungyean khiungde yü.