2 SAMUEL 20:12 - AMÜSÜH HÜM CL Bible (BSI)

¹² Amasa ju limto phulung athiyih ching awuhde yap tüsho mihtsürü alala ju kheak tuklokhi mihtsürü khülangnü ngü. Api ki arürü alala tuklo jumonü apinü Amasa ju limto ching mükeak lim hanbah yü, tüsho api kheak khim khülang züngkihjih.

2 SAMUEL 20:12 Iomraidhean Croise

2 SAMUEL 17:25

Kheakü Absalomnü Amasa ju Joab müthri bonungrü kurungkheak shuhkihjih. Amasa ju Ishmaelrü Ithra tsührü lakheah, apinü Joab abe Zeruia achi Nahash tsührü Abigail lukheah.

2 SAMUEL 2:23

Tüshe apinü rholobah atsopü thsunglo. Jumonü Abnernü abuk ching thsüh mulonü düchip, tüsho thsüh ju adunglim chinkhit. Api ju kheak shea yap. Tüsho shea yappung arürü alalanü zhipkheam.

2 SAMUEL 20:11

Tüsho Joab mihtsürü khülangnü Amasa pang kheak zhipbah tha, “Sherünü Joab mulongla, tüsho sherü David thsungkheaknü a, api Joab ru yanang.”

2 SAMUEL 20:13

Api limto chingnü luakhinshu, mihtsürü alalanü Bikri tsührü Sheba müshamde Joab dunglim yü.

MUNGSHIKHÜN 55:23

Tüshe O Thrünpuh, nünü arübo athsümünim shingkung ching hande ayüzahbah; mihlaksahrü tüsho mülapmüji mihtsürü arü nimungbo chamkhüh she alapü yung; tüshe I a nü kheak kinbah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.