2 SAMUEL 20:10 - AMÜSÜH HÜM CL Bible (BSI)

¹⁰ Tüshe Joab khah ching nukshang shuhkhi Amasanü mümükheah; Joabnü abuk ching kiujihbah arhubo alo kheak bukkhit, tüsho api she. Apinü mahne kipü a mukiulo. Jushu Joab tüsho akhiung Abishai anenü Bikri tsührü Sheba müshamde yü.

2 SAMUEL 20:10 Iomraidhean Croise

THRÜNTAN 4:8

Kheakü Kainnü aniurü Abel ki tha, “Ike thulu ching yüanü.” Tüsho ane thulu ching lachoki Kainnü aniurü Abel azhihde wusu tüsho api laksah.

2 SAMUEL 2:23

Tüshe apinü rholobah atsopü thsunglo. Jumonü Abnernü abuk ching thsüh mulonü düchip, tüsho thsüh ju adunglim chinkhit. Api ju kheak shea yap. Tüsho shea yappung arürü alalanü zhipkheam.

2 SAMUEL 20:9

Joabnü Amasa ki tha, “Akhiung, nü tsüde la shi?” Tüsho Joabnü amüthsüppü akhah tsülimnü Amasa ju amükhühnam kheaknü thoa lu.

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

1 KIUTHSÜYUKHEAN 12:2

Arübo sanglüh shuhrü, tüsho hühzo kiprü tüsho tsülim yungsho huzulimnü lung hitrü; arübo Benjaminrü, Saul buhtsührü ah.

JEREMIA 41:2

Nethania tsührü Ishmael tüsho api lung mihtsürü 10 wusu tüsho Shaphan tsührü Ahikam tsührü Gedalia nukshangnü laksah, tümütüsho Babilon kiulongthsüpuhnü api lomi ching kovünor mokhita lakheah.

WÜHKHE 35:20

Mihtsürü khülangnü khürü kheak mükheahnede nima adansahshihsho yungsho bindobah api kheak tümükhühnü kingsho,

MAHKHAPRÜ 3:15

Tüsho küyimki Israelrü tsührübonü Atungpuh ki zhikhea, Atungpuhnü bekhitshihpü Benjamin trük chingnü Gera tsührü Ehud, huzulimnü arhimobuh asürüshih. Israelrünü Moab kiulongthsüpuh Eglon kilim api kheaknü ruk mühah-a yüshih.

MAHKHAPRÜ 3:21

Judüki Ehudnü akhah huzulim chungkhitbah achim tsülimnü nuk lu tüsho abuk ching düchipyukjih;

1 SAMUEL 26:8

Abishainü David ki tha, “ Khihni nü riri Thrünpuhnü nü khah ching jihdo; jumonü kheakü inü api thsühnü alo kheak khülang kinü kheankihanü; inü api mahne ki mükhean.”