2 SAMUEL 20:1 - AMÜSÜH HÜM CL Bible (BSI)

¹ Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 SAMUEL 20:1 Iomraidhean Croise

THRÜNTAN 46:21

Benjamin tsührübo Bela, Beker, Ashbel, Gera, Naaman, Ehi, Rosh, Muppim, Huppim, tüsho Ard.

2 SAMUEL 15:10

Tüshe Absalomnü Israel trük alala ching aram-yunithsürü yüshihde tha, “Nüsanü hulipungpung khungkhi soakede, ahoang: Hebron ching Absalom kiulongthsürü kamdo!”

2 SAMUEL 16:11

Davidnü Abishai tüsho api yamlarübo alala ki tha, “I tsührünü I rhangdung yimchoh; ha Benjaminrünü a küdükhüh she alaba! Alangzü zojang, tüsho apinü athrushang; tümüde Atungpuhnü api ki thakheah.

2 SAMUEL 16:7

Shimeinü athruchoki zhi, “Akhiukang! Akhiukang! Mihlaksahrü! Mihbukmuyuk!

2 SAMUEL 18:17

Arünü Absalom lubah murung ching alokhün ato ching jipa bah, tüsho api kheak lung ato rhungkih. Judüki Israelrü alala nihbuh yam lim alihde tso.

2 SAMUEL 20:2

Jumonü Israel mihtsürü alala David bahkhibah Sheba dunglim yan; tüshe Juda mihtsürünü düngdüngde Jordan chingnü Jirusalem khiungde arü kiulongthsüpuh dunglim yan.

2 SAMUEL 20:22

Jushu alibenü alümkhi atsü hanbah mihtsürü alala ki yü. Tüsho arünü Bikri tsührü Sheba ku lipshak, tüsho Joab kilim jipa wukhiukshih. Jumonü apinü hulipungpung khung, tüsho arübo kiuto chingnü müzüt, tüsho Joab a kiulongthsüpuh kilim Jirusalem lim alode ayüchoki mihtsürü alala nihbuh yam lim yü.

2 SAMUEL 23:6

Tüshe amütsü mihtsürübo a ayangbo nangde bahchoh; tümüde arübo ju khahnü thrüa mulukhuk;

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

1 KIULONG THSÜRÜ 21:10

api mikhuh mihtsürü mahne binshang, tüsho api azhihde thashang, ‘Nünü Thrünpuh tüsho Kiulongthsüpuh athrudo.’ Judüki api bekhitang, tüsho api rusahang.”

2 KIUTHSÜYUKHEAN 10:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel, kheakü nüsa nihbuh yam lim kheahang, O David.” Jumonü Israel alala arü yam lim yüabah.

2 KIUTHSÜYUKHEAN 10:6

Judüki kiulongthsüpuh Rehoboamnü abuh Solomon rhangdung lachoki api ki larü ashinbuhrübo ki lümkhi keokhi, “Ha mihtsürübo ki alopü nüsanü küruk I ki athsunganahba?”

MUNGSHIKHÜN 17:13

Asürang, O Atungpuh , api shoruang, tüsho keamshang; nü nukshang hode mihbukmuyuk chingnü I bekhitang,

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

MÜCHITMUDU 25:8

Mahkhappung ching niokheamde düyü; tümüde nü yamhingrünü nü achih kipchoki akheam ching nünü tümü thsüba?

MÜCHITMUDU 26:21

Mokhihnü lamlamshihchoh tüsho sangnü mo aniushihchoh, junangde rukachih mihtsürünü kiumüzhim akhiukshihchoh.

MARK 3:24

Kiulongthsü khülangnü ju azhihde chamnaksho, ju kiulongthsü müzhipkhuk.

LUKNÜ ATHRÜTKHI THIYUSHEAK-ATSÜ HUHTANYU 19:14

Tüshe api mihtsürübonü anihbuh thranean, tüsho yunithsürü khülang api dunglim yüshihde tha, ‘Isanü ha mihtsürü isa kurungkheak kiulong müthsüshih.’

LUKNÜ ATHRÜTKHI THIYUSHEAK-ATSÜ HUHTANYU 19:27

Tüshe inü arü kurungkheak kiulong müthsüshihnekhi I riribo ha ching bede arang tüsho arübo I mikinü laksahang.’ ”

JOHAN 13:8

Peternü api ki tha, “Nünü küyimkishe I jing mümüsüh!” Jisunü api ki alo, “Inü nü mümüsühjihsho, nü I lung shihcham müla.”

YUZÜNGTHALO 13:13

junangde isanü yüanü tüsho nüsanü mümükheahkhi püpürü thrünpuhbo tankihanü de thade athsümünim mihtsürü khürü nüsa bolungnü yübah kiutobo ching larü mihtsürübo bephülapa lasho,

MAHKHAPRÜ 19:22

Arübo mulong asühde alachoki, zukleangnü kiuto ching müzammüramrü mihtsürübonü arübah khimdopü kheak yüm. Arünü thüyam putungrü, ashinbuh ki tha, “Nü yam ching arürü mihtsürü bede akhiukang, junangde isanü api kheak müzammürambah!”

MAHKHAPRÜ 3:27

Küyimki api akhiungkhea, apinü Ephraim awung lomi chingnü hulipungpung khung, tüsho Israel tsührübo awung chingnü api lung yüki; tüsho apinü arü be.

RUTH 2:3

Jumonü Ruthnü thulu ching yü tüsho yamlarü dunglim hi-müdre mode tsah. Tüshe thulu ju Elimelek buhtsührü Boaz lu lakheah.

1 SAMUEL 13:2

Israel bolung ching Saulnü 3000 mokhit; 2000 ju Mikmash tüsho Bethel awung lomi ching Saul lung lakheah, tüsho 1000 ju Benjamin lomi Gibea ching Jonathan lung lakheah; aningkhi mihtsürübo apinü nihbuh khimyambo ching thiyia yüshih.

1 SAMUEL 2:12

Kheakü Eli tsührübo mihyuchi ching mülarü lakheah; arünü Atungpuh mümükheah.

1 SAMUEL 30:22

Judüki athsümünim tüsho amüthülünkhi mihtsürü David lung yürübonü tha, “ Tümütüsho arübo isa lung marü, isanü arü kilim isanü ayankhikhi tümü she müjih, tahle mihtsürü abannü nihbuh niuberü tüsho tsührübo lang lubah ayüpü kuklah.”