2 SAMUEL 2:27 - AMÜSÜH HÜM CL Bible (BSI)

²⁷ Joabnü tha, “Thrünpuh mung chingnü thachoh, nüsanü müthaa lasho, mihtsürübonü arü keoniorü yapsu khiungde mutuklode ayanbah.”

2 SAMUEL 2:27 Iomraidhean Croise

2 SAMUEL 2:14

Abnernü Joab ki tha, “Athrününgtsüngbo mikhuh ching arübah isa miki azhihachihshang.” Joabnü tha, “Arübo mikhuh ching arüshang.”

2 SAMUEL 2:26

Judüki Abnernü Joab ki ji, “Isa lünnü keochihde ayüba de? Akheam ching akhüh labah de nünü mümükheah de? Nü mihtsürü ki thiyukhüm jih-a nihbuh keoniorü müshamkhi chingnü atsoloshihpü külokhüh laba?”

2 SAMUEL 2:28

Joabnü hulipungpung khung tüsho mihtsürü alala tuklo; arünü Israel mümüsham yungsho thiri müthsüdebah.

JOB HU H T ANYU 27:2

Thrünpuh lale, shepünü I ki thiyuro lude tso, tüsho Wutobuh, shepünü I me khühde kamshih.

MÜCHITMUDU 15:1

Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

MÜCHITMUDU 17:14

Rukachih tankihkhi ju ke dükhekhi nangde lah; jumonü murukachihyide ju zhipdoabahang.

MÜCHITMUDU 20:18

Athsunganah yimde lümkhibo thsang; thirithsüpü lasho, lümthiyan luang.

MÜCHITMUDU 25:8

Mahkhappung ching niokheamde düyü; tümüde nü yamhingrünü nü achih kipchoki akheam ching nünü tümü thsüba?

ISAIA 47:7

Nünü tha, “ I lünnü kiulongthsüberü thsübah,” jumonü nünü harü mulong ching muzo yungsho akheampü mülümkhit.

1 SAMUEL 25:26

“Jumonü kheakü, I tungpuh, Atungpuh tüsho nü lale, tümütüsho Atungpuhnü thiyih bukpü tüsho nü khahnü royimpü chingnü nü danlodo, kheakü nü riri tüsho sherünü I tungpuh ki amütsü rhimo yimchonü Nabal nangde kamshang.