2 SAMUEL 2:14 - AMÜSÜH HÜM CL Bible (BSI)

¹⁴ Abnernü Joab ki tha, “Athrününgtsüngbo mikhuh ching arübah isa miki azhihachihshang.” Joabnü tha, “Arübo mikhuh ching arüshang.”

2 SAMUEL 2:14 Iomraidhean Croise

2 SAMUEL 2:15

Jumonü arübo mikhuh ching arübah hoachihchoki azhihachih, Benjamin tüsho Saul tsührü Ishboshet thsungkheak 12, tüsho David yamlarübo thsungkheak 12.

2 SAMUEL 2:16

Mihbüm abannü nihbuh azhihrü ku kheak zam, tüsho nukshang düchipa yüshih; junangde arü rukhüh lunga yap. Jumonü ju dangpung ki Helkath-hazzurim de ji, ju Gibeon ching lah.

2 SAMUEL 2:17

Ju nimung keochihkhi ju khide müküpde alakheah; tüsho Abner le Israel mihtsürübo David yamlarübonü kuk.

2 KIULONG THSÜRÜ 14:8

Judüki Amazianü Israelrü Jehu tsührü, Jehoahaz tsührü kiulongthsüpuh Jehoash kilim yunithsürü yüshihde tha, “Arang, isa mironü miro shoruachihanü.”

MÜCHITMUDU 10:23

Makharü ki a amütsü rhimokhi ju hoshihorakhi nangde lah, tüshe anikhitkhi mihtsürü a lümlung lah.

MÜCHITMUDU 17:14

Rukachih tankihkhi ju ke dükhekhi nangde lah; jumonü murukachihyide ju zhipdoabahang.

MÜCHITMUDU 20:18

Athsunganah yimde lümkhibo thsang; thirithsüpü lasho, lümthiyan luang.

MÜCHITMUDU 25:8

Mahkhappung ching niokheamde düyü; tümüde nü yamhingrünü nü achih kipchoki akheam ching nünü tümü thsüba?