2 SAMUEL 2:1 - AMÜSÜH HÜM CL Bible (BSI)

¹ Ju dunglim Davidnü Atungpuh ki keokhi, “I Juda kiuto khürü ching wutuba shi?” Atungpuhnü api ki alo, “Wutuang.” Davidnü tha, “I küpü ching wutuba?” Apinü tha, “Hebron lim.”

2 SAMUEL 2:1 Iomraidhean Croise

THRÜNTAN 13:18

Jumonü Abramnü api khimyam akhin, tüsho yübah Hebron ching Mamre arüngako sangbo thüninde la, tüsho Atungpuh kilim kingaün sadam khülang thsü.

THRÜNTAN 32:2

Küyimki Jakobnü arübo ngükheanü, apinü tha, “Ha Thrünpuh binkheampung ah.” Tüsho apinü ju dangpung mung Mahanaim de ji.

2 SAMUEL 15:7

Kam phüyi kheam dunglim Absalomnü kiulongthsüpuh ki tha, “Muzhobah I Hebron lim yüshang tüsho inü Atungpuh ki thiyuchihchimkhi jihanü.

2 SAMUEL 2:11

Hebron ching Juda trük kurungkheak Davidnü kam thüne tüsho khinu thuruk kiulongthsü.

2 SAMUEL 5:19

Davidnü Atungpuh ki keokhi, “I Filistiarü azhihde wutuba shi? Nünü arübo I khah ching jihba shi?” Atungpuhnü David ki tha, “Wutuang; tümütüsho tsükjide Filistiarü nü khah ching jihbah.”

2 SAMUEL 5:23

Küyimki Davidnü Atungpuh ki keokheanü, apinü tha, “Nü duwutu; arü dunglim mükamde yüang, tüsho balsam sang kinü arü tholoang.

1 KIULONG THSÜRÜ 2:11

Davidnü Israel kurungkheak kam yirü kiulongthsü; apinü Hebron ching kam thüne kiulongthsü, tüsho Jirusalem ching kam samrükheak mahsam kiulongthsü.

1 KIUTHSÜYUKHEAN 29:7

Arünü arüngyam rhimo thsungkheak suna khahngak chithürü 170 akumung, shotoyinchi khahngak chithürü 340 bande, müwayinchi khahngak chithürü 620 bande tüsho yinchi khahngak chithürü 3400 akumung jih.

2 KIUTHSÜYUKHEAN 11:10

Zora, Aijalon, tüsho Hebron, harü ha Juda tüsho Benjamin ching chipi ayünkhi kiutobo lakheah.

MUNGSHIKHÜN 143:8

Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

EZEKIEL 36:37

Atungpuh Thrünpuhnü ha thachoh: kheaküshe Israel yamkhün mihtsürübo namfimihnu boto nangde akamshihpü rhimopü thsüde arünü I ki keokhibah.

WÜHKHE 13:22

Arünü Negeb lim wutu, tüsho Hebron lim arü; tüsho ju ching Anak atoshang tsührübo Ahiman, Sheshai, tüsho Talmai pürü lakheah. (Hebron ju Ijip ching Zoan kheaknü kam thünenü akhuh thrüna lakheah.)

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

JIHUSUA 15:13

Atungpuhnü Jihusua kilim thiyukhüm jihkhi nangde apinü Jephunne tsührü Kaleb kilim Juda mihtsürü bolung jihkhi shihcham ju Kiriath-arba, ju Hebron (Arba ju Anak abuh lakheah).

MAHKHAPRÜ 1:1

Jihusua she dunglim Israelrünü Atungpuh ki keo, “Isa thsung thsüde she akhuhde yübah Kananrübo azhihde thirithsüba?”

1 SAMUEL 10:22

Jumonü kheaküshe arünü Atungpuh ki keokhi, “ Mihtsürü ha ching marüyi de?” Tüsho Atungpuhnü alo, “ Kheahang, api hah thsükhi bolung jiklah.”

1 SAMUEL 23:2

Davidnü Atungpuh ki keokhi, “Inü yübah harü Filistiarü yanba shi?” Atungpuhnü David ki tha, “Yübah Filistiarü yanang tüsho Keilah khümkhitang.”

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”

1 SAMUEL 30:31

Hebron ching, David tüsho api mihtsürübo rümkhi dangpungbo alala ching lakheah.