2 SAMUEL 19:8 - AMÜSÜH HÜM CL Bible (BSI)

⁸ Judüki kiulongthsüpuhnü asürü tüsho api binkiu ripit ching lubah yü. Bonungrü alala ki tha, “Kheahang, kiulongthsüpuh ripit ching binlah”; tüsho bonungrü alala kiulongthsüpuh miki arü. Judüki Israelrü alala nihbuh yam lim tsoabah.

2 SAMUEL 19:8 Iomraidhean Croise

2 SAMUEL 15:2

Absalomnü yapsu mükikde asürübah ripit limpeang limro yean zhipde la; tüsho küyimki khürünü kiulongthsüpuh miki mahkhappü thsüde atsangkhi hanbah arübanü, Absalomnü jibah tha, “Nü kiuto küpü chingnü a?” Küyimki mihtsürünü athaba, “Nü yamlarü a ha ruk ah tüsho Israel ching ju trük ah.”

2 SAMUEL 18:17

Arünü Absalom lubah murung ching alokhün ato ching jipa bah, tüsho api kheak lung ato rhungkih. Judüki Israelrü alala nihbuh yam lim alihde tso.

2 SAMUEL 18:24

Kheakü David ripit mahne dükeak binde alakheah. Aheangbuhnü ripit kumung kheak rhü chingnü yükih, tüsho küyimki apinü abina kheahkheanü mihtsürü khülang alangzü shande ngü.

2 SAMUEL 18:4

Kiulongthsüpuhnü arü ki tha, “Tümüpürü nüsa ki atsüanü inü arhimobah.” Jumonü kiulongthsüpuhnü ripit rheang ki zhip, judüchoki bonungrü alala chi tüsho chithürübo thsübah tsahde wukhiuk.

2 SAMUEL 19:3

Ju nimung bonungrü keochihkhi chingnü tsobah achihkhi nangde thirithsürübonü jikshe müthsüde kiuto ching yüzah.

1 KIULONG THSÜRÜ 22:36

Judüki ani yüzahshu bonungrü ki thiyukhüm khülang yü, “Mihbüm abannü nihbuh kiuto tüsho nihbuh lomi lim yüloang!”

2 KIULONG THSÜRÜ 14:12

Juda ju Israelnü kuk; mihbüm abannü thüyam lim alihde tso.

2 KIULONG THSÜRÜ 8:21

Judüki Jehoramnü api yo khora-lolungbe alala lubah Zair lim tsahmusude yü. Edomrünü api le api khora-lolungbe limthorübo zündo, tüshe apinü asürü tüsho azhing ching tsoabah; api bonungrü she thüyam lim alihde tso.

1 SAMUEL 4:10

Jumonü Filistiarünü keochih; arünü Israelrü kuk, tüsho arübo nihbuh yam lim shande tso. Judüki khide muliuhde laksah, tümüde Israel bonungrü jingnü atsahrü 3000 keamabah.