2 SAMUEL 19:43 - AMÜSÜH HÜM CL Bible (BSI)

⁴³ Tüshe Israel mihtsürübonü Juda mihtsürübo ki alo, “Kiulongthsüpuh kheak isa shihcham thürü lah, tüsho David kheak she nüsa kheaknü isa alübe lah. Dale tümüde nüsanü isa mükhemürangcho? Isa kiulongthsüpuh belodarüpü akhuh thakhi ju isa yung de?” Tüshe Juda mihtsürübo yu ju Israel mihtsürübo yu kheaknü amüzhakbe lakheah.

2 SAMUEL 19:43 Iomraidhean Croise

2 SAMUEL 19:14

Amasanü arü khülang kamde Juda mihtsürü alala mulong kukabah, tüsho arünü kiulongthsüpuh kilim thiyu yüshih, “Nü tüsho nü yamlarü alala alodarang.”

2 SAMUEL 19:9

Israel trük alala ching mihtsürübonü alanajide tha, “Kiulongthsüpuhnü isa riri khah chingnü isa bekhit, tüsho Filistiarü khah chingnü isa khümkhit; tüsho kheakü Absalom dünkheaknü api lomi chingnü tsodo.

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 SAMUEL 20:6

Davidnü Abishai ki tha, “Kheakü Bikri tsührü Shebanü Absalom kheaknü alü isa ki rhimobah; nü tungpuh yamlarübo bea lubah api müshamang, ju yungsho apinü chipi ayünkhi kiutobo yimkhitbah ajikbah, tüsho isa kheaknü atsokhibah.”

2 SAMUEL 5:1

Judüki Israel trük alala Hebron ching David ki arübah tha, “ Kheahang, isa nü shih tüsho nü thiyih ah.

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

MÜCHITMUDU 13:10

Lülüshishikhinü rukachihpü lang akhiukshihchoh, tüshe tsüde thsangdankhi ju lümlung ah.

MÜCHITMUDU 15:1

Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

MÜCHITMUDU 17:14

Rukachih tankihkhi ju ke dükhekhi nangde lah; jumonü murukachihyide ju zhipdoabahang.

MÜCHITMUDU 18:19

Keoniorünü arungkhi ju amüküp kiuto nangde lah, tüshe rukachihkhi ju chipiripit khrihbebo nangde lah.

ROMRÜ KILIM PAULNÜ ATHRÜTKHI KIHÜM HUHTANYU 12:21

Amütsünü dükukshih, tüshe atsünü amütsü kukshang.

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

GALATIA 5:20

sangthsü kingaün, wurük, mükihachihkhi, rukachih, mükthsü, bukakhiuk, yihnelune, achamnakbo,

GALATIA 5:26

Isanü khülangnü khülang ki mükükheangnü, bukmakhiukshihnü yungsho mulungkhangnü.

FILIPI 2:3

Yihnelune yungsho shilode tümü she düthsü, tüshe azhihayih chingnü nü kheaknü püpürü atsübe khejang.

JAKOB 1:20

tümüde mihtsürü bukakhiukkhinü Thrünpuh thiyuro-lungki mühandarüchoh.

MAHKHAPRÜ 8:1

Tüsho Ephraim mihtsürübonü api ki tha, “ Tümü thsükhi nü Midiarü bede keochihpü yüchoki isa müjide isa kheak hade arhimokhea?” Tüsho arünü thsokihde api müneah.

MAHKHAPRÜ 9:23

Tüsho Thrünpuhnü Abimelek le Shekem mihtsürübo dükeak amütsü me khülang yüshih; tüsho Shekem mihtsürübonü Abimelek kheak mülapyukde rhimo;