2 SAMUEL 19:29 - AMÜSÜH HÜM CL Bible (BSI)

²⁹ Kiulongthsüpuhnü api ki tha, “Nü yihnüpü tümüde alü thacho? Inü pungkhido: nü tüsho Zeba thulubo chambah.”

2 SAMUEL 19:29 Iomraidhean Croise

2 SAMUEL 19:28

Tümüde I pü buhtsührübo kiulongthsüpuh miki thülünde sheshih; tüshe nü yamlarü a nü dükhüm kheak yimtsührü lung nünü zojih. Kheaküshe kiulongthsüpuh ki mushupü I alim tümü la?”

2 SAMUEL 19:30

Mephiboshetnü kiulongthsüpuh ki tha, “Alala api lushang, tümüde I tungpuh kiulongthsüpuh thüyam lim tsüde alodarüdo.”

2 SAMUEL 9:2

Kheakü Saul yamkhün ching yamlarü Zeba lakheah, tüsho api David kilim ji. Kiulongthsüpuhnü api ki tha, “Nü Zeba a de?” Tüsho apinü alo, “Nü tankihpü ching lah!”

2 SAMUEL 9:7

Davidnü api ki tha, “Dütre, tümüde nü buh Jonathan thsülimnü inü nü ki mihmuzho huhbah; nü pü Saul lo alala nü kilim inü ajihlobah, tüsho kamruhroro nü I dükhüm kheak yimtsühbah.”

2 SAMUEL 9:9

Judüki kiulongthsüpuhnü Saul yamlarü Zeba jibah api ki tha, “Saul tüsho api yamkhün yo alala nü putungpuh tsührü-tsührü kilim inü jihdo.

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 82:2

Nüsanü külokhüh thiyuro mülade mahkhapba, tüsho mihbukmuyuk ki jakkheahba?

MÜCHITMUDU 18:13

Shepünü musoyide alochonü, ha makhakhi tüsho nihbuh achihbe lah.

YUNIRÜBO RHIMO 18:15

tüshe ha a thiyubo le mungbo tüsho nüsa yakzan dünkheak a le nüsa küdah thsüde khikzhakang: inü harü dünkheak a mahmükhap.”