2 SAMUEL 19:28 - AMÜSÜH HÜM CL Bible (BSI)

²⁸ Tümüde I pü buhtsührübo kiulongthsüpuh miki thülünde sheshih; tüshe nü yamlarü a nü dükhüm kheak yimtsührü lung nünü zojih. Kheaküshe kiulongthsüpuh ki mushupü I alim tümü la?”

2 SAMUEL 19:28 Iomraidhean Croise

THRÜNTAN 32:10

nünü nü yamlarü ki amuzho tüsho thiyuro harü alala huhkhi I müthülün. I ha Jordan hochoki tso khülang lang alakheah, tüshe kheakü I bo mahne kamdo.

2 SAMUEL 14:17

Nü yamlaberünü lümdo, ‘I tungpuh kiulongthsüpuh yu hode I sühakhimshihbah’; tümüde I tungpuh kiulongthsüpuh a Thrünpuh yunirü nangde lah, atsü tüsho amütsü kheahkhitchoh. Atungpuh nü Thrünpuh nü lung lashang!”

2 SAMUEL 14:20

Kheakü apungani müthripü thsungkheak nü yamlarü Joabnü ha rhimokheah. Tüshe alomi kheak lakhi alala mükheahpü thsüde Thrünpuh yunirü lümlung nangde I tungpuh a lümlung lah.”

2 SAMUEL 15:26

Tüshe apinü I kheak masüh-a lasho, I ha ching lah, apinü atsükhi I kheak rhimoshang.”

2 SAMUEL 16:3

Kiulongthsüpuhnü tha, “Tüsho nü putungrü tsührü küching la?” Zibanü kiulongthsüpuh ki tha, “Api Jirusalem ching lah; tümüde apinü tha, ‘ Khihni Israel yamkhünnü I pü kiulongthsü I kilim jihlobah.’”

2 SAMUEL 19:29

Kiulongthsüpuhnü api ki tha, “Nü yihnüpü tümüde alü thacho? Inü pungkhido: nü tüsho Zeba thulubo chambah.”

2 SAMUEL 9:10

Nü tüsho nü tsührübo le nü yamlarübonü api thsungkheak thulu thsübah tüsho yimlubah, junangde nü putungpuh tsührü-tsührü tsühyungpü ngübah; tüshe nü putungpuh tsührü-tsührü Mephiboshet a kamruhroro I dükhüm kheak yimtsühbah.” Kheakü Zeba tsührü athrürü 15 tüsho yamlarü 20 lakheah.

2 SAMUEL 9:13

Mephiboshet a Jirusalem ching la, tümüde api kamruhroro kiulongthsüpuh dükhüm kheak yimtsüh. Kheakü api ajing ane chido kika lakheah.

2 KIULONG THSÜRÜ 8:3

Kam thünepü akheam ching küyimki alibenü Filistia lomi chingnü alode arükhea, anihbe yamkhün tüsho anihbe lomi thsungkheak kiulongthsüpuh ki mushupü alibenü tsahmusu.

1 SAMUEL 26:16

Nünü arhimokhi ha atsü yung. Atungpuh mung hode nü ashepü thülünlah de thiyuchihchimchoh, tümütüsho nünü nü tungpuh, Atungpuhnü mujude-mokhitkhi müneak. Kheakü kheahang, kiulongthsüpuh thsüh, yungsho aku ki lakhi keluh küching la?”