2 SAMUEL 19:27 - AMÜSÜH HÜM CL Bible (BSI)

²⁷ Apinü I tungpuh kiulongthsüpuh ki nü yamlarü mulomülapjihdo. Tüshe I tungpuh kiulongthsüpuh a Thrünpuh yunirü ruk ah; jumonü tümü nü tsükhi lanü rhimoang.

2 SAMUEL 19:27 Iomraidhean Croise

2 SAMUEL 14:17

Nü yamlaberünü lümdo, ‘I tungpuh kiulongthsüpuh yu hode I sühakhimshihbah’; tümüde I tungpuh kiulongthsüpuh a Thrünpuh yunirü nangde lah, atsü tüsho amütsü kheahkhitchoh. Atungpuh nü Thrünpuh nü lung lashang!”

2 SAMUEL 14:20

Kheakü apungani müthripü thsungkheak nü yamlarü Joabnü ha rhimokheah. Tüshe alomi kheak lakhi alala mükheahpü thsüde Thrünpuh yunirü lümlung nangde I tungpuh a lümlung lah.”

2 SAMUEL 16:3

Kiulongthsüpuhnü tha, “Tüsho nü putungrü tsührü küching la?” Zibanü kiulongthsüpuh ki tha, “Api Jirusalem ching lah; tümüde apinü tha, ‘ Khihni Israel yamkhünnü I pü kiulongthsü I kilim jihlobah.’”

2 SAMUEL 16:4

Judüki kiulongthsüpuhnü Ziba ki tha, “Mephiboshet yo athrünkhi kheakü nü yo ah.” Zibanü tha, “Inü akin jihchoh; I tungpuh kiulongthsüpuh nü miki I mihmuzho ngüshang.”

2 SAMUEL 19:17

api lung Benjamin ching mihtsürü 1000 lakheah. Tüsho Saul yamkhün ching yamlarü Ziba lung atsührü 15 tüsho yamlarü 20 bebah kiulongthsüpuh müngüh Jordan lim nanachihde yüki.

2 SAMUEL 9:13

Mephiboshet a Jirusalem ching la, tümüde api kamruhroro kiulongthsüpuh dükhüm kheak yimtsüh. Kheakü api ajing ane chido kika lakheah.

2 SAMUEL 9:3

Kiulongthsüpuhnü tha, “Inü Thrünpuh mihmuzho huhpü thsüde Saul yamkhün khürü aninga la shi?” Zebanü kiulongthsüpuh ki alo, “Jonathan tsührü aninga lah; api jing kika lah.”

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 15:3

Shepünü api mulonü müjipjipraracho, tüsho api müyamrü ki amütsü müthsücho, yungsho api yamhingrü ki azhihde kiubuyu müthacho;

ABEKHIT 20:16

“Nünü nü yamhingrü azhihde arükchih thiyumütsan düthsü.

JEREMIA 9:4

Nü yamhingrübo dünkheak rhüngrhüngang, tüsho nü keoniorü she kheak she akin düla; tümüde nü keoniorü alala mülapmüjirü, tüsho nü yamhingrü abannü achikhirü nangde lah.

1 SAMUEL 29:9

Akishnü alo, “Nü Thrünpuh yunirü nangde I mük ki amülim müla de inü mükheahlah; judüalalashe, Filistia limthorübonü tha, ‘ Api isa lung keochihpung ching muwutu.’