2 SAMUEL 19:26 - AMÜSÜH HÜM CL Bible (BSI)

²⁶ Apinü alo, “I tungpuh, O kiulongthsüpuh, I yamlabuhnü I mulomülapdo; tümüde nü yamlarünü api ki tha, ‘I thsungkheaknü donki khülang kheak binkiu yihkihang, junangde I ju kheak binbah kiulongthsüpuh lung yüanü.’ Tümüde nü yamlarü a jingkikrü ah.

2 SAMUEL 19:26 Iomraidhean Croise

2 SAMUEL 19:17

api lung Benjamin ching mihtsürü 1000 lakheah. Tüsho Saul yamkhün ching yamlarü Ziba lung atsührü 15 tüsho yamlarü 20 bebah kiulongthsüpuh müngüh Jordan lim nanachihde yüki.

2 SAMUEL 4:4

Saul tsührü Jonathan a jing kikkhi tsührü khülang lakheah. Küyimki Saul tüsho Jonathan dünkheak Jezreel chingnü thiyusheak arükheanü api kam 5 lakheah. Api mütrürünü shuh-a lubah alihde tso; tüsho anihbe niokheamde atsochoki, api ayokhi tüsho jingkikrü kamkheah. Api mung Mephiboshet lakheah.

2 SAMUEL 9:3

Kiulongthsüpuhnü tha, “Inü Thrünpuh mihmuzho huhpü thsüde Saul yamkhün khürü aninga la shi?” Zebanü kiulongthsüpuh ki alo, “Jonathan tsührü aninga lah; api jing kika lah.”