2 SAMUEL 19:23 - AMÜSÜH HÜM CL Bible (BSI)

²³ Kiulongthsüpuhnü Shimei ki tha, “Nü müshe.” Tüsho kiulongthsüpuhnü api ki thiyuchihchim jih.

2 SAMUEL 19:23 Iomraidhean Croise

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

2 SAMUEL 19:24

Saul tsührü-tsührü Mephiboshet kiulongthsüpuh shorupü aki; kiulongthsüpuh Jirusalem chingnü atsokhi nimungnü tsüde alodarü khiungde apinü ajing muniuh, yungsho mükhühnam mümüwah, yungsho akhimmih mümüsühde alakheah.

1 KIULONG THSÜRÜ 2:37

Tümüde nü wukhiukbah Kidron ayung ho nimungnü, nü ashebah de mütsande mükheahang; nü thiyih ju nü ku kheak kihbah.”

1 KIULONG THSÜRÜ 2:46

Judüki kiulongthsüpuhnü Jehoiada tsührü Benai ki thiyukhüm jih; tüsho anihbuhnü wukhiukbah api kinga lungshih, tüsho api sheabah.

IBRI 6:16

Mihtsürübonü arü kheaknü atobe hode thiyuchihchim thsüchoh, tüsho arü atsangachih alala ching adüngakhi thsungkheak thiyuchihchim ju arün lah.

1 SAMUEL 11:13

Tüshe Saulnü tha, “ Ha nimung ching sheshe mülaksah, tümüde khihni Atungpuhnü Israel kilim abekhitkhi handarüdo.”

1 SAMUEL 28:10

Tüshe Saulnü alibe ki Atungpuh mung chingnü thiyuchihchim, “ Ha dünkheaknü nü kheak thsümütsü tümü marü de Atungpuh mung tamde thiyuchihchimchoh.”

1 SAMUEL 30:15

Davidnü api ki tha, “Nünü ha thiriribo lung bede yükinahnü?” Apinü tha, “Nünü I mülaksah, yungsho I putungrü khah ching muyukjih de Thrünpuh tamde thiyuchihchimang, tüsho inü arü kilim nü bede ayükibah.”