2 SAMUEL 19:22 - AMÜSÜH HÜM CL Bible (BSI)

²² Tüshe Davidnü tha, “Khihni nüsa I kheak azhihlorü kamkhi dünkheak nüsa Zeruia tsührübo kheak inü tümü thsüpü? Khihni Israel ching khürü sheshihba de? Tümüde khihni I Israel kurungkheak kiulongthsüpuh ah de inü mümükheah de?”

2 SAMUEL 19:22 Iomraidhean Croise

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

2 SAMUEL 16:5

Küyimki kiulongthsüpuh David Bahurim ching arükhea, Saul yamkhün chingnü mihtsürü khülang Gera tsührü Shimeinü athrude akhiuk.

2 SAMUEL 16:9

Judüki Zeruia tsührü Abishainü kiulongthsüpuh ki tha, “Tümüde ha ashekhi yihnunü I tungpuh kiulongthsüpuh athrupü? I yüshang tüsho api ku luanü.”

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

1 SAMUEL 11:13

Tüshe Saulnü tha, “ Ha nimung ching sheshe mülaksah, tümüde khihni Atungpuhnü Israel kilim abekhitkhi handarüdo.”

1 SAMUEL 26:11

Atungpuhnü mujude-mokhitkhi kheak azhihde I khah chungpü Atungpuhnü danlolah; tüshe kheakü aku ki lakhi thsüh tüsho keluh luang, tüsho ike tsoanü.”

1 SAMUEL 26:8

Abishainü David ki tha, “ Khihni nü riri Thrünpuhnü nü khah ching jihdo; jumonü kheakü inü api thsühnü alo kheak khülang kinü kheankihanü; inü api mahne ki mükhean.”

1 SAMUEL 26:9

Tüshe Davidnü Abishai ki tha, “ Api düthsümünim; tümüde khürünü Atungpuhnü mujudemokhitkhi kheak azhihde khah chungbah amülim mülabea de?”