2 SAMUEL 19:1 - AMÜSÜH HÜM CL Bible (BSI)

¹ Joab ki tha, “Kiulongthsüpuh a Absalom thsungkheak mitripchoh tüsho tüzhochoh.”

2 SAMUEL 19:1 Iomraidhean Croise

THRÜNTAN 37:35

Tüsho api tsührübo le tsührübebo alalanü api shukheampü wusurü; tüshe apinü ashukheampü arochih tüsho tha, “Tümüde I tsührü shepung I tüzhode ayükibah.” Hanangde abuhnü api thsungkheak mitrip.

2 SAMUEL 18:12

Tüshe mihtsürü junü Joab ki tha, “I khah ching shotoyinchi khahngak 1000 jihjih she, kiulongthsüpuh tsührü kheak inü I khah muchung; tümüde isanü sode Abishai tüsho Ittai ki kiulongthsüpuhnü thiyukhüm jihde tha: I thsülimnü athrününgtsüngbuh Absalom khümkhitang!

2 SAMUEL 18:14

Joabnü tha, “Hanangde I nü lung kim mübah.” Apinü thsüh mahsam akhah ching lu, tüsho Absalom thülamsang kheak arhang lachoki amulong ching düchip.

2 SAMUEL 18:20

Joabnü api ki tha, “Nü khihni thiyusheak mühan; nünü thiyusheak püpü nimung hanpü thsüang, tüshe nünü khihni jude düthsü, tümütüsho kiulongthsüpuh tsührü shea lah.”

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

2 SAMUEL 18:5

Kiulongthsüpuhnü Joab, Abishai tüsho Ittai ki thiyukhüm jihde tha, “I dünkheak athrününgtsüngbuh Absalom ki atsükheaknü asukachihang.” Tüsho kiulongthsüpuhnü Absalom dünkheak limthorübo alala ki thiyuzüng jihkhi mihtsürü alalanü so.

2 SAMUEL 19:2

Jumonü ju nimung akuk ngükhi ju bonungrü alala thsungkheaknü atüzhopü ching müthriabah; tümüde ju nimung bonungrübonü so, “Kiulongthsüpuh api tsührü thsungkheak mulong rozhakchoh.”

MÜCHITMUDU 17:25

Makhakhi tsührünü nihbuh abuh kilim mulong rozhak tüsho api zübebe kilim akhüh hande arüchoh.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.