2 SAMUEL 18:28 - AMÜSÜH HÜM CL Bible (BSI)

²⁸ Judüki Ahimaaznü kiulongthsüpuh ki zhi, “Alala tsüde lah!” Apinü kiulongthsüpuh miki akin jihde alo kheak khukning tüsho tha, “Atungpuh nü Thrünpuh müngühmühi thsüang! Apinü I tungpuh kiulongthsüpuh azhihrü mihtsürü jihabahdo.”

2 SAMUEL 18:28 Iomraidhean Croise

THRÜNTAN 14:20

Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.

THRÜNTAN 24:27

Tüsho apinü tha, “I putungrü ki api amüthsüm tüsho thiyuro mübahyukkhi I putungrü Abraham Thrünpuh Atungpuh shiang. I thsungkheaknü, Atungpuhnü I hantsah ching I putungrü keoniorü yam lim bede arüdo.”

2 SAMUEL 1:2

Nimung asampü ching mihtsürü khülang khim thorüpa tüsho aku kheak alo yihkihbah Saul binkheampung chingnü arü. Küyimki api David ki arükhea, apinü akin jihde alo kheak mükhüm.

2 SAMUEL 14:4

Küyimki Tekoa liberü kiulongthsüpuh ki arükhea, alibenü alo kheak khukning tüsho akin jihde tha, “Rungang, O kiulongthsüpuh!”

2 SAMUEL 22:27

Amüsühkhitkhi kheak nünü amüsühkhitkhi huhchoh, tüsho akhürang kheak nünü nihnihde huhchoh.

2 KIUTHSÜYUKHEAN 20:26

Nimung phüyi nipü arünü Beraka jindükhün ching mukhung, tümüde ju ching arünü Atungpuh shijih; jumonü ju dangpung ki khihni khiungde Beraka jindükhün de ajikheah.

MUNGSHIKHÜN 115:1

Isa kilim yung, O Atungpuh , isa kilim yung, tüshe nü amüthsüm tüsho nü thiyuro dünkheaknü nü mung müretahshang.

MUNGSHIKHÜN 124:6

Arü hü ching shih nangde müjihkhi Atungpuh shiang.

MUNGSHIKHÜN 31:8

tüsho I riri khah ching I muyukjih; nünü I jing amülih dangpung ching zojih.

ABEKHIT 18:10

Tüsho Jethronü tha, “Nü tüsho mihtsürübo Ijiprü le Pharao khah chingnü bekhitbuh Atungpuh shiang.

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,

1 SAMUEL 24:18

Atungpuhnü I nü khah ching yukjihbah nünü I mülaksahde I ki atsü rhimokhi khihni nünü huhdo.

1 SAMUEL 25:23

Küyimki Abigailnü David ngükhea, alibenü niokheamde yü tüsho donki kheaknü akibah amiro alo lim mükhümde David ki khukning.

1 SAMUEL 26:8

Abishainü David ki tha, “ Khihni nü riri Thrünpuhnü nü khah ching jihdo; jumonü kheakü inü api thsühnü alo kheak khülang kinü kheankihanü; inü api mahne ki mükhean.”