2 SAMUEL 18:20 - AMÜSÜH HÜM CL Bible (BSI)

²⁰ Joabnü api ki tha, “Nü khihni thiyusheak mühan; nünü thiyusheak püpü nimung hanpü thsüang, tüshe nünü khihni jude düthsü, tümütüsho kiulongthsüpuh tsührü shea lah.”

2 SAMUEL 18:20 Iomraidhean Croise

2 SAMUEL 18:19

Judüki Zadok tsührü Ahimaaznü tha, “I alihanü tüsho Atungpuhnü api riri royimjihkhi kiulongthsüpuh ki thaanü.”

2 SAMUEL 18:21

Judüki Joabnü Kushbuh ki tha, “Yüang, nünü tümü ngükheanü kiulongthsüpuh ki thaang.” Kushbuhnü Joab miki khukning, tüsho alihde yü.

2 SAMUEL 18:27

Aheangbuhnü tha, “Inü alümkhia akhuhbuh ju Zadok tsührü Ahimaaz alihkhi nangde lah.” Kiulongthsüpuhnü tha, “Api mihtsürü atsü ah, tüsho thiyusheak lubah arüchoh.”

2 SAMUEL 18:29

Kiulongthsüpuhnü tha, “Athrününgtsüngbuh Absalom tsüde la shi?” Ahimaaznü alo, “Joabnü nü yamlarü arüshihchoki, inü neamneamruru ato khülang ngüdo, tüshe ju küde thsüdünü inü mümükheah.”

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

2 SAMUEL 18:5

Kiulongthsüpuhnü Joab, Abishai tüsho Ittai ki thiyukhüm jihde tha, “I dünkheak athrününgtsüngbuh Absalom ki atsükheaknü asukachihang.” Tüsho kiulongthsüpuhnü Absalom dünkheak limthorübo alala ki thiyuzüng jihkhi mihtsürü alalanü so.

2 SAMUEL 19:1

Joab ki tha, “Kiulongthsüpuh a Absalom thsungkheak mitripchoh tüsho tüzhochoh.”