2 SAMUEL 18:18 - AMÜSÜH HÜM CL Bible (BSI)

¹⁸ Kheakü Absalomnü api rhangdung lachoki dungjing khülang lubah Kiulongthsüpuh Jindükhün ching khima zo, tümüde apinü tha, “I mung lümkhitpü thsüde I tsührü athrürü müla”; apinü dungjing ju anihbuh mungnü ji. Khihni khiungde Absalom Mümih-lung de jichoh.

2 SAMUEL 18:18 Iomraidhean Croise

THRÜNTAN 11:4

Tüsho arünü tha, “Arang, isanü kiuto khülang, tüsho rünchang thüning khiungde thsanü; isanü isa thsungkheak mung khülang thsanü, judü yungsho alomi alala ching isa hiumüzütabahbah.”

THRÜNTAN 11:9

Jude athsükhinü ha ki Babel de ji, tümütüsho Atungpuhnü alomi yutha alala yingyingabahshih. Ju chingnü Atungpuhnü arü alomi alala ching hiumüzütshih.

THRÜNTAN 14:17

Abramnü Kedorlaomer tüsho api müshiprü kiulongthsürübo kukbah arü dunglim Sodom kiulongthsüpuhnü Shave Jindükhün (ju kiulongthsüpuh Jindükhün) ching api shorupü akhiuk.

2 SAMUEL 14:27

Absalom kilim tsührü athrürü 3 zübejih, tüsho aliberü 1 amung Tamar lakheah; alibe ju akheahakhamkhi lakheah.

MUNGSHIKHÜN 109:13

Api tsühsoniuso kheamshang tüsho arü lün khekhi ching arü mung nankhita bahshang.

MUNGSHIKHÜN 49:11

Arü lümkhi alunglim ju arü yambo lünnü alabah, tüsho arü lapungbo lün alala ching labah de lah; arünü arü lomi arü mung tamde jichoh.

ISAIA 22:16

Nü ha ching tümü alim la? Ha ching keoniorü sherü a, junangde ha achang ching nü kiuyuk kiupü tüsho lung ching nü lapung kheancho?

JEREMIA 22:30

Atungpuhnü ha thachoh: Ha mihtsürü ha tsührü mülapü thrütyukang, api nimungbo ching akuk müngüpü mihtsürü; tümüde api tsührü shenü she David kiulongthsü-binkiu kheak binpü api tüsho Juda ching yakzan shuhpü api mümüthri.

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

WÜHKHE 32:42

Tüsho Nobanü yübahle Kenath tüsho kiulongbo lu, tüsho api mung yande Noba de ji.

1 SAMUEL 15:12

Samuelnü Saul shorupü yapsu mükikde asürü, tüsho api ki tha, “Saul a anihbuh thsungkheak apinü lung khima zopung Karmel lim yüdo, tüsho alodarüchoki api Gilgal lim yükido.”