2 SAMUEL 18:17 - AMÜSÜH HÜM CL Bible (BSI)

¹⁷ Arünü Absalom lubah murung ching alokhün ato ching jipa bah, tüsho api kheak lung ato rhungkih. Judüki Israelrü alala nihbuh yam lim alihde tso.

2 SAMUEL 18:17 Iomraidhean Croise

2 SAMUEL 19:5

Judüki Joabnü kiulongthsüpuh yam ching yüzahbah tha, “Khihni nünü nü rhangdung tüsho nü tsührü athrürü tüsho aliberübo, tüsho nü yamkhünrü le hanniubebo rhangdung khümkhitrü nü bukkhüp atorübo alala achih ngüshihdo,

2 SAMUEL 19:8

Judüki kiulongthsüpuhnü asürü tüsho api binkiu ripit ching lubah yü. Bonungrü alala ki tha, “Kheahang, kiulongthsüpuh ripit ching binlah”; tüsho bonungrü alala kiulongthsüpuh miki arü. Judüki Israelrü alala nihbuh yam lim tsoabah.

2 SAMUEL 19:9

Israel trük alala ching mihtsürübonü alanajide tha, “Kiulongthsüpuhnü isa riri khah chingnü isa bekhit, tüsho Filistiarü khah chingnü isa khümkhit; tüsho kheakü Absalom dünkheaknü api lomi chingnü tsodo.

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 SAMUEL 20:22

Jushu alibenü alümkhi atsü hanbah mihtsürü alala ki yü. Tüsho arünü Bikri tsührü Sheba ku lipshak, tüsho Joab kilim jipa wukhiukshih. Jumonü apinü hulipungpung khung, tüsho arübo kiuto chingnü müzüt, tüsho Joab a kiulongthsüpuh kilim Jirusalem lim alode ayüchoki mihtsürü alala nihbuh yam lim yü.

2 KIULONG THSÜRÜ 14:12

Juda ju Israelnü kuk; mihbüm abannü thüyam lim alihde tso.

2 KIULONG THSÜRÜ 8:21

Judüki Jehoramnü api yo khora-lolungbe alala lubah Zair lim tsahmusude yü. Edomrünü api le api khora-lolungbe limthorübo zündo, tüshe apinü asürü tüsho azhing ching tsoabah; api bonungrü she thüyam lim alihde tso.

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

YUZÜNGTHALO 21:20

Tüsho arünü kiuto azothsürübo ki thabah, ‘Isa tsührü ha mihmukhiuh tüsho azhihrü ah; apinü isa yu mani, api bukchihrü tüsho amüshangrü khülang ah.’

YUZÜNGTHALO 21:21

Judüki kiuto ching lakhi mihtsürü alalanü api lungnü arusahbah; junangde nüsanü amütsürü nüsa bolungnü yihkhita bahang, tüsho Israelrü alalanü sobah atrebah.

JIHUSUA 10:27

Ani yüzahchoki Jihusuanü thiyukhüm jih, tüsho arü pang ju sangdung kheaknü yihkhibah püpüki arü jikpung lungkhün ching thoyuka bah. Arünü lung atotobo lah-a lungkhün ching ju mürhüt, tüsho jurü ju khihni khiungde lah.

JIHUSUA 7:26

Arünü api kheak lung ashang rhungkih, ju khihni khiungde lah. Judüki Atungpuhnü api bukakhiukkhi chingnü rholo. Jumonü ju dangpung ki Akor Dükhün de jichoh.

JIHUSUA 8:29

Apinü Ai kiulongthsüpuh pang ju sang kheak arelim khiungde zhin. Ani yüzahshu pang ju ayihkhipü Jihusuanü thiyukhüm jih, tüsho ju kiuto khuhto chipimurung limpeang jipa bah, tüsho ju kheak lung rhunga mujukshih, ju khihni khiungde lah.

1 SAMUEL 4:10

Jumonü Filistiarünü keochih; arünü Israelrü kuk, tüsho arübo nihbuh yam lim shande tso. Judüki khide muliuhde laksah, tümüde Israel bonungrü jingnü atsahrü 3000 keamabah.