2 SAMUEL 17:9 - AMÜSÜH HÜM CL Bible (BSI)

⁹ Kheakü ha she api lungkhün yungsho kükheakanü jiklah. Tüsho küyimki isa bonungrü akhuhde ayankhi ching lungba, asorübonü athabah, ‘ Absalom dunglim yanrü bonungrü bolung laksahdo.’

2 SAMUEL 17:9 Iomraidhean Croise

2 SAMUEL 17:10

Judüki athrungrü thirithsürü, kekhüzü mulong nangde alarübo atrekhinü shahde niuthünakbah; tümüde nü buh ju thirithsürü tüsho api lung larübo ju thirithsürü athrungrü ah de Israel alalanü mükheahlah.

2 SAMUEL 17:8

Hushainü thalo, “Nü buh tüsho api mihtsürübo thirithsürübo ah de nünü mükheahlah, tüsho arübo thulu ching kuto anunubo jangkhikhi nangde bukmüke ah. Ju lang yung, nü buh ju thirithsüpü ching athsüso; apinü azhing ching bonungrü lung mülachoh.

JEREMIA 41:9

Kheakü Ishmaelnü mihtsürü laksahkhi pangbo alala yukkhi kekung ju kiulongthsüpuh Asanü Israel kiulongthsüpuh Baasha azhihkhi tsunglode athsükhi atobe lakheah; Nethania tsührü Ishmael nü kekung ju apinü alaksahkhinü mishih.

JIHUSUA 7:5

Airünü arübo kiuto chipimurung chingnü lungdang Shebarim khiungde yan tüsho adüpheak kheaknü 36 bande laksah. Jushu Israelrübo mulong niukthünakde ke kamabah.

JIHUSUA 8:6

Isanü arü kiuto chingnü mümünitkhitkhamkia arünü isa müshambah; tümüde arünü athabah, ‘ Atan ruk thsü arübo isa müngüh tsochoh.’ Jumonü isa arü müngüh tsobah;

1 SAMUEL 22:1

Davidnü ju chingnü akhinde Adullam lungkhün ching tsokhide yü; akhiung pürü tüsho buhtsührübonü ju sobah api shorupü ju ching yüki.

1 SAMUEL 23:22

Yüang tüsho khülang ki adüngakhi thsang; api küching la tüsho shepünü api ju ching ngükheanü dükde yimkhitang; tümütüsho I ki thakhia api ju khide rük lah düchoh.

1 SAMUEL 24:3

Apinü lungkhün lapung namfimihnu yam lakhi limro yean arü; tüsho Saul ju sühakhima lupü yü. Kheakü David le amihtsürübo lungkhün alunglim peang binde alakheah.