2 SAMUEL 17:25 - AMÜSÜH HÜM CL Bible (BSI)

²⁵ Kheakü Absalomnü Amasa ju Joab müthri bonungrü kurungkheak shuhkihjih. Amasa ju Ishmaelrü Ithra tsührü lakheah, apinü Joab abe Zeruia achi Nahash tsührü Abigail lukheah.

2 SAMUEL 17:25 Iomraidhean Croise

2 SAMUEL 17:26

Israelrü tüsho Absalom arü Gilead lo ching binkheam.

2 SAMUEL 19:13

Tüsho Amasa ki thaang, ‘Nü I shih tüsho I thiyih yung de? Jumonü kheakünü rünbah Joab müthri nü I yo bonungrü kurungkheak limthorü müthsüshihsho Thrünpuhnü I kheak alübe she rhimoshang.’ ”

2 SAMUEL 19:14

Amasanü arü khülang kamde Juda mihtsürü alala mulong kukabah, tüsho arünü kiulongthsüpuh kilim thiyu yüshih, “Nü tüsho nü yamlarü alala alodarang.”

2 SAMUEL 20:4

Judüki kiulongthsüpuhnü Amasa ki tha, “Nimung mahsam dükeak chingnü Juda mihtsürübo I ki jimukhungang, tüsho nü arü lung ha ching arang.”

1 KIULONG THSÜRÜ 2:28

Küyimki Joab kilim thiyusheak arükhea (tümüde Joabnü Absalom murunga lalashe Adonija rung) apinü Atungpuh arüngyam ching shande yü tüsho kingaün sadam juhbo kheak ramlo.

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

1 KIULONG THSÜRÜ 2:5

“Kheaküshe Zeruia tsührü Joabnü I ki tümü rhimokhea, apinü Israel bonungrü limthorü mahne, Ner tsührü Abner, tüsho Jether tsührü Amasa laksah. Apinü mungtsü kim ching thirithsü thiyih bukshih, tüsho thirithsü thiyih api chim mükamde pangrümbe kheak yihkih.

1 KIUTHSÜYUKHEAN 12:19

Davidnü Saul bede keochihpü Filistiarü bebah ayüchoki Manaserü khürü api kilim arü. (Tütüshe apinü Filistiarü murung, tümüde arü yakzanshuhrübonü keokhikeora tüsho api thiyia tsoshihde tha, “Isa ku kheamshihpü apinü api putungrü Saul kilim tsoabahbah.”)

1 KIUTHSÜYUKHEAN 2:13

Jesse tsührü adüjibuh Eliab, mahnepü Abinadab, asampü Shimea,