2 SAMUEL 17:20 - AMÜSÜH HÜM CL Bible (BSI)

²⁰ Küyimki Absalom yamlarübo thüyam lim alibe ki arükhea, arünü tha, “Ahimaaz tüsho Jonathan küching la?” Alibenü arü ki tha, “Ane ayung hodo.” Tüsho arünü ane yimbah müngüde arübo Jirusalem lim alode yü.

2 SAMUEL 17:20 Iomraidhean Croise

2 SAMUEL 15:34

Tüshe nünü kiuto lim alode yübah Absalom ki, ‘O kiulongthsüpuh I nü yamlarü thsübah; ahokhi kim ching I nü buh yamlarü thsükhi nangde, kheakü I nü yamlarü thsübah’ de thasho, judüki I thsungkheak nünü Ahithophel athsunganahkhi kukbah.

ABEKHIT 1:19

Zübe-mütrürübonü alo, “Ibri liberübo ju Ijiprü liberübo ruk yung; arünü khide thülihde zübechoh, tüsho zübe-mütrürü khiungchokia zübea lala düchoh.”

LEVI 19:11

Nüsanü dahüh yungsho rük thsüde dümülapyuk yungsho khülangnü khülang ki akeangyu dütha.

MAHKHAPRÜ 4:20

Apinü alibe ki tha, “ Thüyam khimdopü ki zhipang tüsho khürünü arübah ha ching khürükhüh la shi de keosho müla de thaang.”

1 SAMUEL 21:2

Davidnü amükeambuh Ahimelek ki tha, “ Kiulongthsüpuhnü tümükhüh dünkheak I thiyi tüsho I ki tha, ‘Inü nü yüshihkhi tüsho thiyikhi dünkheak shenü she dümükheahshih.’ Hadürü tüsho ha dangpung thsungkheak inü athrününgtsüng shorupü tsüngdo.