2 SAMUEL 17:11 - AMÜSÜH HÜM CL Bible (BSI)

¹¹ Tüshe inü athsunganahpü lakhi jua, Israel alala keto yean loyi nangde boto Dan chingnü Beersheba khiungde nü ki mukhungbah nünü mihbüm abande keochih ching bebah yüang.

2 SAMUEL 17:11 Iomraidhean Croise

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

2 SAMUEL 12:28

Kheakü, jumonü aningkhi mihtsürübo bemukhungang, tüsho kiuto zündoang tüsho ju luang; yungsho inü kiuto ju alubah, tüsho ju I mungnü ajibah.”

2 SAMUEL 24:2

Jumonü kiulongthsüpuhnü Joab tüsho api lung lakhi bonungrü limthorübo ki tha, “Dan chingnü Beersheba khiungde Israel trük alala ching yüang, tüsho mihtsürübo wühkhe luang, junangde küdükhüh lanü inü amükheahbah.”

2 SAMUEL 3:10

Saul yamkhün chingnü kiulongthsü luakhinbah, tüsho Dan chingnü Beersheba khiungde Israel tüsho Juda kurungkheak David kiulongthsü zojihbah.”

1 KIULONG THSÜRÜ 20:10

Ben-hadadnü api kilim yüshih tüsho tha, “Mürangkhüh Samaria asungthulungnü I yanrü mihtsürübo müyi abansho thrünpuhbonü I kheak alü she rhimoshang.”

1 KIULONG THSÜRÜ 4:20

Juda tüsho Israel ju keto yean loyi nangde hihde alakheah; arünü tsühyung tüsho asüh.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

JIHUSUA 11:4

Arübo nihbuh bonungrü ke yean loyi nangde be tüsho khora le keochih-lolungbebo she hihdakde lubah arü.

MAHKHAPRÜ 20:1

Judüki Israelrü alalanü Dan chingnü Beersheba tüsho Gilead lomi chingnü akhiukbah Atungpuh miki Mizpa ching mukhung.

1 SAMUEL 13:5

Filistiarünü Israel kheak keochihpü thsüde khora-lolungbe 30,000, khoraberü 6000 tüsho thirithsürü mih hihde keyean loyi nangde trüngmukhung; arünü atu tüsho Beth-aven aniakhiuklim Mikmash ching bin.

1 SAMUEL 3:20

Tüsho Dan chingnü Beersheba khiungde Samuel ju Atungpuh thiyuro wukihrü ah de Israel alalanü mükheah.