2 SAMUEL 16:4 - AMÜSÜH HÜM CL Bible (BSI)

⁴ Judüki kiulongthsüpuhnü Ziba ki tha, “Mephiboshet yo athrünkhi kheakü nü yo ah.” Zibanü tha, “Inü akin jihchoh; I tungpuh kiulongthsüpuh nü miki I mihmuzho ngüshang.”

2 SAMUEL 16:4 Iomraidhean Croise

2 SAMUEL 14:22

Joabnü alo kheak khukningde akin jih, tüsho kiulongthsüpuh müngühjih, tüsho Joabnü tha, “I tungpuh kiulongthsüpuh miki I mihmuzho ngüdo de khihni nü yamlarünü mükheahchoh, tümütüsho api yamlarünü amushukhi kiulongthsüpuhnü leangkhijihdo.”

2 SAMUEL 14:4

Küyimki Tekoa liberü kiulongthsüpuh ki arükhea, alibenü alo kheak khukning tüsho akin jihde tha, “Rungang, O kiulongthsüpuh!”

2 SAMUEL 14:8

Judüki kiulongthsüpuhnü alibe ki tha, “Nü yam lim yüang, tüsho nü dünkheaknü inü nü kilim thiyuzüngbo jihbah.”

2 SAMUEL 16:3

Kiulongthsüpuhnü tha, “Tüsho nü putungrü tsührü küching la?” Zibanü kiulongthsüpuh ki tha, “Api Jirusalem ching lah; tümüde apinü tha, ‘ Khihni Israel yamkhünnü I pü kiulongthsü I kilim jihlobah.’”

2 SAMUEL 16:5

Küyimki kiulongthsüpuh David Bahurim ching arükhea, Saul yamkhün chingnü mihtsürü khülang Gera tsührü Shimeinü athrude akhiuk.

2 SAMUEL 19:27

Apinü I tungpuh kiulongthsüpuh ki nü yamlarü mulomülapjihdo. Tüshe I tungpuh kiulongthsüpuh a Thrünpuh yunirü ruk ah; jumonü tümü nü tsükhi lanü rhimoang.

2 SAMUEL 9:6

Saul tsührü Jonathan tsührü Mephiboshet David kilim arü, tüsho amiro koyubah akin jih. Davidnü tha, “Mephiboshet!” Apinü alo, “I nü yamlarü ah.”

2 SAMUEL 9:9

Judüki kiulongthsüpuhnü Saul yamlarü Zeba jibah api ki tha, “Saul tüsho api yamkhün yo alala nü putungpuh tsührü-tsührü kilim inü jihdo.

ABEKHIT 23:8

Tüsho nünü buknim dülu, tümüde buknimnü mütsankhitpü mük tukshihchoh tüsho thiyuro yubo bephülapchoh.

MÜCHITMUDU 18:13

Shepünü musoyide alochonü, ha makhakhi tüsho nihbuh achihbe lah.

MÜCHITMUDU 18:17

Mahkhappung ching akhuh mihtsürünü athakhi ju anihbuh azhihrünü api ki keokhipü mütankihyi khiungde kamruhroro alim nangde lachoh.

MÜCHITMUDU 19:2

Mükheahmudu mülade künsahde alümkhi ju atsü yung, tüsho shepünü niokheamchonü limro dungmihchoh.

YUZÜNGTHALO 19:15

“Mihtsürü khülangnü amülim rhimokhi yungsho neak yihbeakkhi dünkheak thiyumütsan khülangnü a api azhihde muwusu; thiyumütsan mahne yungsho mahsam hodü lang judürü dünkheak khikzhak thsübah.