2 SAMUEL 16:21 - AMÜSÜH HÜM CL Bible (BSI)

²¹ Ahithophelnü Absalom ki tha, “Thüyam neakpü lashihkhi nü buh hanniubebo kheak yübah nungang; tüsho nünü nü buh kheak thiriri kamchoh de Israel alalanü asobah, tüsho nü lung larübo mulong tode akambah.”

2 SAMUEL 16:21 Iomraidhean Croise

THRÜNTAN 34:30

Judüki Jakobnü Simeon le Levi ki tha, “Nükenü lomi ching larü Kananrü le Perizrü bolung I athraneanbe kamshihde I kheak küpkhuk hande arüdo; tümütüsho I wühkhe nüklah, arünü rukhüh mukhungbah I azhihbah tüsho I laksahbah.”

THRÜNTAN 35:22

Tüsho küyimki ju lomi ching Israel lakheanü, Reubennü abuh hanniube Bilha kilim yü tüsho müyam; tüsho ju dünkheak Israelnü so. Jakob tsührü 12 lakheah:

THRÜNTAN 38:16

Judüki apinü limro chingnü rholode alibe kilim yü, tüsho tha, “Arang, inü nü kheak müyamanü”; tümüde alibe ju atsühmeakbe ah de apinü mümükheah. Jumonü alibenü tha, “Nünü I kheak müyambah tümü jihba?”

THRÜNTAN 6:4

Judüki alomi ching Nephilimrübo lakheah, tüsho ju dunglim Thrünpuh tsührübonü mihtsürü tsührübebo kheak müyam tüsho arü kilim tsührübo zübejih. Jurübo adüsonü athrungrü tüsho mungkhung mihtsürübo lakheah.

2 SAMUEL 10:6

Küyimki Amonrünü arübo David riri kamdo de amükheahkhitkhea, Amonrünü thiyia yüshih tüsho Beth-rehob tüsho Zoba ching Siriarü, jingtsahrü bonungrü 20,000, tüsho Maaka kiulongthsüpuh mihtsürü 1000, tüsho Tob mihtsürübo 12,000 muloa bebah arü.

2 SAMUEL 12:11

Atungpuhnü ha thachoh: Nü yam chingnü inü nü azhihde thsümütsü akhiukshihbah; tüsho inü nü niube nü mük kinü lubah nü yamhingrü kilim jihbah, tüsho apinü ha anidüchi chingnü nü niube lung yapbah.

2 SAMUEL 13:5

Jonadabnü api ki tha, “Nü yapkiu kheak yapang, tüsho tukthsüa huhang; tüsho küyimki nü buh nü kheahpü arübanü, api ki thaang, ‘I niurü Tamar arübah I kilim atsühpü tümükhüh jihshang, tüsho I mikinü tsühyungbe mozümodoshang, junangde inü kheahbah akhah chingnü atsühbah.’”

2 SAMUEL 15:16

Jumonü hanniuberü 10 lang thüyam neakshihpü aninga zojihbah kiulongthsüpuh, api yamkhün alala tsoabah.

2 SAMUEL 16:20

Judüki Absalomnü Ahithophel ki tha, “Nünü isa ki athsunganahang; isanü tümü rhimobea?”

2 SAMUEL 17:7

Hushainü Absalom ki tha, “Ha kim ching Ahithophelnü athsunganahkhi atsü yung.”

2 SAMUEL 2:7

Jumonü nüsa khahbo müküpshang, tüsho thrungshang; tümüde nüsa tungpuh Saul shea lah, tüsho Judanü arü kurungkheak kiulongthsürü thsüshihpü I mujude-mokhitdo.”

2 SAMUEL 20:3

Davidnü Jirusalem ching api yam lim arü; tüsho kiulongthsüpuhnü thüyam kümpü lashihkhi hanniube 10 lu, tüsho arübo thüyam ching aheangshih, tüsho apinü arü kheak munung. Jumonü arübo ashe khiungde khimoberü nangde rihdoa la.

1 KIULONG THSÜRÜ 11:25

Hadadnü thsümüchide arhimokhi nangde Solomon nimungbo alala ching api Israel azhihrü lakheah; apinü Israel mükhemürang thsü tüsho Siria kurungkheak kiulongthsü.

1 KIULONG THSÜRÜ 2:17

Apinü tha, “Muzhobah kiulongthsüpuh Solomon ki–apinü nü ki muthsunglo– Shunamrü Abishag I niube thsüpü keokhiang.”

1 KIULONG THSÜRÜ 2:22

Kiulongthsüpuh Solomonnü abe ki alo, “Tümüde Shunamrü Abishag ju Adonija thsungkheak nünü keokhicho? Api thsungkheaknü kiulongthsü she keokhiang! Tümüde api I khiung azopü ah; api thsungkheak lang dükeo tüshe amükeambuh Abiathar tüsho Zeruia tsührü Joab thsungkheak she keokhiang!”

LEVI 18:8

Nü buh niube kheak müzammüram düthsü; junü nü buh mungchih ngüshihbah.

LEVI 20:11

Athrürü shepünü nihbuh abuh niube kheak nungbanü abuh mungchih ngüshihchoh; athrüpü tüsho alibe ane chido dükde asheshihbah. Ane thiyih ju ane kheak kihbah.

ZEKARIA 8:13

Nüsa trükshih bolung muthrumüneankhi lakhi nangde, O Juda tüsho Israel yamkhün, junangde inü nüsa khümkhitbah tüsho nüsa müngühmühi labah. Dütre, tüshe nüsa khahbo mürangde laang.

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

1 SAMUEL 13:4

Küyimki Saulnü Filistia thirithsürü binpung yankhitdo tüsho Filistiarünü Israel kheak mükihde kamdo de Israel alalanü asokhea, mihtsürübo Saul lung bepü Gilgal ching jimukhung.

1 SAMUEL 27:12

Akishnü hade lümde David kheak akin la, “ Apinü azangrü nihbuh mihtsürü Israelnü thraneanabahshihdo; jumonü api kamruhroro I yamlarü thsübah.”