2 SAMUEL 16:2 - AMÜSÜH HÜM CL Bible (BSI)

² Kiulongthsüpuhnü Ziba ki tha, “Tümüde nünü harü hande arükhea?” Zibanü alo, “Donkibo ju kiulongthsüpuh yamkhün binshihpü thsungkheak, yikhap tüsho muzhu-sangaso ju athrününgtsüngbo tsühshihpü thsungkheak tüsho yukhu ju sunglo ching keaka yaprü yungshihpü thsungkheak.”

2 SAMUEL 16:2 Iomraidhean Croise

THRÜNTAN 21:29

Abimeleknü Abraham ki keokhi, “Namfimihnunu 7 nünü büthsüde azokhi ha amütsan tümü a?”

THRÜNTAN 33:8

Judüki Esaunü tha, “Inü ashorukhi boto alala ha amütsan tümü a?” Tüsho apinü alo, “Harü ha I tungpuh miki amuzho yimpü lah.”

2 SAMUEL 15:1

Ju dunglim Absalomnü lolungbe khülang, khorabo, tüsho api müngüh alihpü mihtsürü 50 lu.

2 SAMUEL 15:23

Mihtsürü alala hode ayüchoki lomi athrünkhinü achangnü trip; kiulongthsüpuhnü Kidron ayung ho, tüsho mihtsürü alala sunglo lim yü.

2 SAMUEL 17:29

mukhuke, niuhke zhihzhih, namfimihnu, tüsho mihnubo chingnü niuhke kingkung David tüsho api lung mihtsürübo khilim lubah arü; tümüde arünü tha, “Bonungrübo sunglo ching khümkethüride keaka lah.”

2 SAMUEL 19:26

Apinü alo, “I tungpuh, O kiulongthsüpuh, I yamlabuhnü I mulomülapdo; tümüde nü yamlarünü api ki tha, ‘I thsungkheaknü donki khülang kheak binkiu yihkihang, junangde I ju kheak binbah kiulongthsüpuh lung yüanü.’ Tümüde nü yamlarü a jingkikrü ah.

EZEKIEL 37:18

Tüsho küyimki nü mihtsürübonü nü ki thaba, “Harü amütsan nünü isa ki muhuhba de?”

MAHKHAPRÜ 10:4

Kheakü api tsührü donki samrü kheak binrü samrü lakheah; arü kiuto samrü, “ Havoth Jair” de khihni khiungde ajihkhi, Gilead lo ching lakheah.

MAHKHAPRÜ 5:10

Ha thaang, nüsa sherü donki amüyebo kheak binla, nüsa sherü alarü pheak kheak binla tüsho nüsa sherü limro ching tsahcho.

1 SAMUEL 14:28

Judüki bonungrü khülangnü tha, “Nü buhnü thirithsürü kheak müküpde thiyuchihchimde tha, ‘Shepünü khihni yimtsühbanü muthrumünean thsang.’ Jumonü thirithsürübo yiuhyiuhlah.”

1 SAMUEL 25:27

Tüsho kheakü nü yamlaberünü I tungpuh kilim hande arükhi thsambah ha I tungpuh yande arürü athrününgtsüngbo kilim jihang.