2 SAMUEL 16:10 - AMÜSÜH HÜM CL Bible (BSI)

¹⁰ Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

2 SAMUEL 16:10 Iomraidhean Croise

THRÜNTAN 50:20

Nüsa thsungkheak a, nüsanü I azhihde amütsü thsükhi lah; tüshe Thrünpuhnü a khihni hanangde mihtsürü ahihdo rhangdung khümkhitpü atsü thsungkheak lah.

2 SAMUEL 19:22

Tüshe Davidnü tha, “Khihni nüsa I kheak azhihlorü kamkhi dünkheak nüsa Zeruia tsührübo kheak inü tümü thsüpü? Khihni Israel ching khürü sheshihba de? Tümüde khihni I Israel kurungkheak kiulongthsüpuh ah de inü mümükheah de?”

2 SAMUEL 19:23

Kiulongthsüpuhnü Shimei ki tha, “Nü müshe.” Tüsho kiulongthsüpuhnü api ki thiyuchihchim jih.

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

1 KIULONG THSÜRÜ 2:5

“Kheaküshe Zeruia tsührü Joabnü I ki tümü rhimokhea, apinü Israel bonungrü limthorü mahne, Ner tsührü Abner, tüsho Jether tsührü Amasa laksah. Apinü mungtsü kim ching thirithsü thiyih bukshih, tüsho thirithsü thiyih api chim mükamde pangrümbe kheak yihkih.

2 KIULONG THSÜRÜ 18:25

Kheaküshe, inü Atungpuh mübede ha dangpung azhihde atubah ju thsümünimkhea de? Atungpuhnü I ki tha, Ha lomi azhihde wutuang tüsho ju thsümünimang.”

JOB HU H T ANYU 9:12

Apinü lubah tsosho shepünü api tholokhukpü? Shepünü api ki, “Nü tümü thsücho?” de athapü.

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

T H S AN GYU T H S AN GR ARÜ 8:4

Tümüde kiulongthsüpuh yu wu lah, tüsho shepünü api ki thakhukpü, “Nü tümü thsücho?”

TÜZHOKHI 3:37

Atungpuhnü mümulongsho shepünü thiyukhüm jihpü tüsho ju rhimokhukpü?

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

MATHI 16:23

Tüshe apinü rholobah Peter ki tha, “I dunglim yüang, Arimri! Nü a I ki jingmükhelung ah; nü lüm ching lakhibo ju Thrünpuh kilimnü yung, tüshe mihtsürü kilimnü lah.”

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

JOHAN 18:11

Jisunü Peter ki tha, “Nü nukshang nuktrüp ching yukang. I Buhnü I kilim jihkhi pung inü muyungbea de?”

ROMRÜ KILIM PAULNÜ ATHRÜTKHI KIHÜM HUHTANYU 9:20

Tüshe Thrünpuh ki alokhukpü thsüde mihtsürü khülang ju nüsa she a? Azünkhinü azünbuh ki, “Tümüde nünü I hade azünkhea?” de athaba de?

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

1 SAMUEL 26:19

Jumonü kheakü I tungpuh kiulongthsüpuhnü api yamlarü yu sojang. I kheak azhihde bukakhiukkhi ju Atungpuh hode thsüa lasho, apinü kingaün leangkhishang; tüshe ha mihtsürünü thsüa lasho, Atungpuh muthrumünean arü kheak yükihshang. Tümüde arünü khihni Atungpuh yamrüplurüp I shihcham chingnü yankhita bahde tha, ‘Yüang, püpürü thrünpuhbo tankihang.’