2 SAMUEL 16:1 - AMÜSÜH HÜM CL Bible (BSI)

¹ Küyimki David awung mujuk anükhüh hobah ayükhea, Mephiboshet yamlarü Zibanü donkibo kheak yikhap 200, kurungaso mukuhkhi keangthrün 100, muzhusangaso 100, tüsho yukhu keluhkhüh de hanbah api shoru.

2 SAMUEL 16:1 Iomraidhean Croise

2 SAMUEL 15:30

Tüshe Davidnü aku dukiubah jing keangkeangnü tsahde oliv wungbo lim tripde wutu; tüsho api lung mihtsürü alalanü nihbuh ku dukiubah tripde wutu.

2 SAMUEL 15:32

Küyimki David awung mujuk kheak, Thrünpuh kingaünpung arükhea, Arkrü Hushainü apangkhümpü rukrüp tüsho aku kheak alo yihkihbah api shorupü arü.

2 SAMUEL 19:17

api lung Benjamin ching mihtsürü 1000 lakheah. Tüsho Saul yamkhün ching yamlarü Ziba lung atsührü 15 tüsho yamlarü 20 bebah kiulongthsüpuh müngüh Jordan lim nanachihde yüki.

2 SAMUEL 19:32

Barzillai ju khide ashinbuhrü, kam 80 azorü lakheah. Api Mahanaim ching lachoki apinü kiulongthsüpuh kilim tsühyungbe jih, tümüde api khide alarü mihtsürü lakheah.

1 KIUTHSÜYUKHEAN 12:40

Kheaküshe, arü yamhingrü Issakar, Zebulun, tüsho Naphtali chingnü tsühyungbe donki, kemel, khoranunu tüsho moshipungbo kheaknü suhdahkhi tsühyungpü, kurungaso yikhap, kurungaso mukuh, yukhu, müdangke, moshipungbo tüsho namfimihnu hanbah arü, tümütüsho Israel ching asühachihkhi lakheah.

MÜCHITMUDU 18:16

Mihtsürü thsambahnü nihbuh limro khimshuhchoh, tüsho adungto mihtsürü miki api bede arüchoh.

JEREMIA 40:10

I a, isa kilim arürü Kaldearü miki nüsa thsung thsüpü Mizpa ching lah; tüshe nüsa a yukhu tüsho muzhu sangasobo le müdangke hanmukhungang, tüsho phühlungbo ching zomukhungang, tüsho nüsanü amükühkhi kiutobo ching laang.”

JEREMIA 40:12

Jihudarü alala arü müzütpungnü alodarü tüsho Juda lomi lim, Mizpa ching Gedalia kilim arü; tüsho arünü yukhu tüsho muzhu sangasobo suhdahde hanmukhung.

AMOS 8:1

Atungpuh Thrünpuhnü I ki muzhu sangaso zahkhi muluk khülang huh.

MIKA 7:1

Ayokhe! Tümüde I a muzhu sangaso rho dunglim, kurungaso rho dunglim, atsühpü adüchi müngürü ruk kamdo; I khümkhi thsungkheaknü akhuh münkhi khubaso müla.

1 SAMUEL 10:3

Jushu nünü ju kheaknü ayübah tüsho Tabor sang ki arübah; ju ching mihtsürü mahsam Bethel ching Thrünpuh kilim wuturünü nü shorubah, khülangnü mihnu nunu mahsam, khülangnü yikhap mahsam tüsho khülangnü shihküp qiuqiu de ahanbah.

1 SAMUEL 16:20

Jessenü donki lubahle yikhap, shihküp qiuqiu tüsho mihnu nunubo hah thsükihbah David kheaknü mühah-a Saul kilim yüshih.

1 SAMUEL 25:18

Judüki Abigailnü niokheamde yübah yikhap 200, yukhu zahkhi shihküp qiuqiu 2, amüthreangkhi namfimihnu 5, angukhi hi khahngak 17, amukuhkhi kurungaso düchi 100, tüsho khubaso yikhap 200 de lu. Anihbenü donkibo kheak mühah,