2 SAMUEL 15:7 - AMÜSÜH HÜM CL Bible (BSI)

⁷ Kam phüyi kheam dunglim Absalomnü kiulongthsüpuh ki tha, “Muzhobah I Hebron lim yüshang tüsho inü Atungpuh ki thiyuchihchimkhi jihanü.

2 SAMUEL 15:7 Iomraidhean Croise

2 SAMUEL 13:38

Absalomnü Geshur ching tsoyukbah ju ching kam mahsam la.

2 SAMUEL 3:2

Hebron ching David kilim tsührü athrürübo zübejih: adüjibuh ju Jezreelrü Ahinoamnü Amnon zübejih;

2 SAMUEL 3:3

mahnepü ju Karmelrü Nabal niube Abigailnü Kileab zübejih; asampü, Geshur kiulongthsüpuh Tamai tsührü Makanü Absalom zübejih;

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

ISAIA 58:4

Kheahang, nünü rukachihpü tüsho shochihpü tüsho mihbukmuyuk khah-zhimpungkhi kheak shangpü lang khümkeak thsüchoh. Khihni ha ruk khümkeak thsükhinü nü düsheak achang kheak musoshih.

MATHI 2:8

Apinü arü ki hade thabah Bethlehem lim yüshih, “Yübah ju düshihde yimang, tüsho küyimki nüsanü api yimkhitbanü I kilim bede arang, junangde inü she api kingaünbah.”

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.