2 SAMUEL 15:31 - AMÜSÜH HÜM CL Bible (BSI)

³¹ Ahithophel she aram-asukachihkhi lung belah de David ki tha. Tüsho Davidnü tha, “O Atungpuh , inü nü ki tamkhüntamnüchoh, Ahithophel athsunganahkhi ju makhashang.”

2 SAMUEL 15:31 Iomraidhean Croise

2 SAMUEL 15:12

Küyimki Absalomnü laksah-a kingaünkhibo jihkhea, apinü David lümthiyan-jihrü Gilonrü Ahithophel anihbuh kiuto Gilo chingnü arüpü yüshih. Aram-yusheak düküngde kam, tüsho Absalom lung mihtsürübo jade kam.

2 SAMUEL 16:23

Judüki Ahithophelnü athsunganahkhi ju Thrünpuh yu yankhi nangde lang alakheah; jumonü Ahithophelnü athsunganahkhi alala David tüsho Absalom ane chidonü leangkhi.

2 SAMUEL 17:14

Absalom tüsho Israel mihtsürü alalanü tha, “Arkrü Hushainü athsunganahkhi ju Ahithophel athsunganahkhi kheaknü atsübe ah.”

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

2 SAMUEL 17:5

Tüshe Absalomnü tha, “Arkrü Hushai she jiang, tüsho apinü tümü thabanü isanü anianü.”

2 SAMUEL 17:7

Hushainü Absalom ki tha, “Ha kim ching Ahithophelnü athsunganahkhi atsü yung.”

JOB HU H T ANYU 5:12

Rükakirü lümkhi apinü kimchihshihchoh, junangde arü khahnü tümü akuk müngü.

MUNGSHIKHÜN 109:3

Arü athranean yubonü I mükamdoa lah, tüsho amudopü mülade I bede thirithsüdo.

MUNGSHIKHÜN 3:1

O Atungpuh , I riri küdükhüh she la! Ahihkhühnü I azhihde wusuchoh;

MUNGSHIKHÜN 41:9

Inü mulonglamkhi I müyamrükhung, I yikhap tsührünü she I azhihde api lahzhi shuhkihdo.

MUNGSHIKHÜN 55:10

Animung tüsho are arünü chipibo mükamde yüchoh; amülimkhi tüsho küpkhuk ju bolung lah.

MUNGSHIKHÜN 55:12

I keangrümünerü ju I riri thsükhülaa, inü arüma labah; I kurungkheak kükheangrü ju I azhihrü thsükhülaa, api kheaknü inü jika labah.

ISAIA 19:3

arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

ISAIA 44:25

Shepünü akeangyu dünjipü müchitkhi yandoabahcho, tüsho kuhi-kheahrü makharü kamshihcho; shepünü lümlung larü rholoshihcho, tüsho arü mükheahmudu abünrü kamshih;

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

JAKOB 3:15

Hadürü lümlung ju akulimnü arükhi yung; ha alomi yo, me-mülakhi, amünean ah.