2 SAMUEL 15:27 - AMÜSÜH HÜM CL Bible (BSI)

²⁷ Kheaküshe kiulongthsüpuhnü amükeambuh Zadok ki tha, “Nü angürü yung de? Nü le Abiathar, nü tsührü Ahimaaz, tüsho Abiathar tsührü Jonathan mungtsü chingnü kiuto ching alode yüang.

2 SAMUEL 15:27 Iomraidhean Croise

2 SAMUEL 15:34

Tüshe nünü kiuto lim alode yübah Absalom ki, ‘O kiulongthsüpuh I nü yamlarü thsübah; ahokhi kim ching I nü buh yamlarü thsükhi nangde, kheakü I nü yamlarü thsübah’ de thasho, judüki I thsungkheak nünü Ahithophel athsunganahkhi kukbah.

2 SAMUEL 15:36

Arü tsührü athrürü 2, Zadok tsührü Ahimaaz tüsho Abiathar tsührü Jonathan she ane lung ju ching lah; tüsho arü kheaknü nünü asokhi lüpdükhi I ki thiyusheak jihang.”

2 SAMUEL 17:17

Jonathan tüsho Ahimaaz ane Enrogel ching aleangde alakheah; yamlarü aliberü khülangnü yübah ane ki tha, tüsho anenü yübah kiulongthsüpuh David ki tha; tümüde ane kiuto ching yüzahkhi müngüshihpü thsüde alakheah.

2 SAMUEL 18:19

Judüki Zadok tsührü Ahimaaznü tha, “I alihanü tüsho Atungpuhnü api riri royimjihkhi kiulongthsüpuh ki thaanü.”

2 SAMUEL 24:11

Küyimki Davidnü yapsu asürükhea, Atungpuh yu David yo wukihrü Gad kilim arü, tüsho tha,

1 KIULONG THSÜRÜ 1:42

Api thiyu thachoki, amükeambuh Abiathar tsührü Jonathan arünü khiung. Adonijanü tha, “Azahang, tümüde nü athülünkhi mihtsürü ah tüsho tsükjide nünü thiyusheak atsü handarüchoh.”

1 KIULONG THSÜRÜ 4:15

Ahimaaz, Naphtali ching (apinü Solomon tsührü Basemath aniube thsüpü lu);

1 KIUTHSÜYUKHEAN 25:5

Harü alala Thrünpuhnü anihbuh shuhkihpü alokhikhi yande kiulongthsüpuh yo wukihbuh Heman tsührübo lakheah; tümüde Thrünpuhnü Heman kilim tsührü 14 tüsho tsührübe 3 jih.

1 KIUTHSÜYUKHEAN 6:8

Ahitub tsührü Zadok, Zadok tsührü Ahimaaz,

1 SAMUEL 9:6

Tüshe azübuhnü Saul ki tha, “ Ha kiuto ching Thrünpuh mihtsürü khülang lah; api kheak wüntre kihde lachoh. Apinü tümüpürü thabanü kamruhroro dünjichoh. Kheakü ike ju ching yüanü; khükijua ike yüpü limro apinü ahuhbah.”

1 SAMUEL 9:9

(Adüso Israel ching, khürünü Thrünpuh dünkheak keokhikeorapü yüsho hade tha, “ Arang, isanü angürü kilim yüanü”; tümüde shepü kheakü wukihrü de jichonü adüso a angürü de ji.)