2 SAMUEL 15:26 - AMÜSÜH HÜM CL Bible (BSI)

²⁶ Tüshe apinü I kheak masüh-a lasho, I ha ching lah, apinü atsükhi I kheak rhimoshang.”

2 SAMUEL 15:26 Iomraidhean Croise

2 SAMUEL 10:12

Reangzahang, tüsho isanü isa mihtsürü tüsho isa Thrünpuh kiutobo dünkheaknü mulong toanü; tüsho Atungpuhnü api tsükhi thsüshang.”

2 SAMUEL 11:27

Küyimki yapsu hokhea, Davidnü yüshihbah alibe ayam ching bebah arü, tüsho anihbe api niube kam, tüsho api kilim tsührü athrürü khülang zübejih. Tüshe Davidnü arhimokhinü Atungpuh masühde kam.

2 SAMUEL 19:28

Tümüde I pü buhtsührübo kiulongthsüpuh miki thülünde sheshih; tüshe nü yamlarü a nü dükhüm kheak yimtsührü lung nünü zojih. Kheaküshe kiulongthsüpuh ki mushupü I alim tümü la?”

2 SAMUEL 22:20

Apinü I amülih dangpung ching bedakhiuk; apinü I bekhit, tümütüsho apinü I kheak asüh.

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

1 KIUTHSÜYUKHEAN 21:7

Tüshe hadürü ching Thrünpuhnü masühde alakheah, tüsho apinü Israel shik.

2 KIUTHSÜYUKHEAN 9:8

Atungpuh nü Thrünpuh shiang, shepünü nü kheak asüh tüsho Atungpuh nü Thrünpuh thsungkheaknü api kiulongthsü-binkiu kheak kiulongthsürü thsüde binshih. Tümütüsho arü lünnü alashihpü nü Thrünpuhnü Israel muzho, apinü arü kurungkheak kiulongthsürü kamshih, junangde nünü mahkhappü tüsho thiyuro lungki rhimobah.”

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

JEREMIA 22:28

Ha mihtsürü Jehoiakin ha mükheahnekhi atrükhi phüh a de? Tümü thsükhi api le api tsührübo yankhita bah-a la tüsho arünü mümükheahkhi lomi ching yana tsoshih-a la?

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

WÜHKHE 14:8

Atungpuhnü isa kheak asühsho, apinü isa ha lomi ching bede ayübah tüsho niuhke le mukhuke bukde alakhi lomi ju isa kilim jihbah.

MATHI 1:10

Hezekia kheaknü Manase trükkhit, Manase kheaknü Amon trükkhit, tüsho Amon kheaknü Josia trükkhit.

JIHUSUA 9:25

Kheakü isa nü khah ching lah; küpü nüsanü alim ah de lümchonü isa kheak rhimoang.”

MAHKHAPRÜ 10:15

Judüki Israelrünü Atungpuh ki tha, “Isanü neak yihbeakdo! Nünü atsükhi isa kheak rhimoang; khihni isa lang bekhitang, isanü tamkhüntamnüchoh.”

1 SAMUEL 3:18

Jumonü Samuelnü api ki alala tha tüsho api ki tümü she mümüyim. Tüsho apinü tha, “ Ha Atungpuh lah; apinü atsükhi thsüshang.”