2 SAMUEL 15:25 - AMÜSÜH HÜM CL Bible (BSI)

²⁵ Judüki kiulongthsüpuhnü Zadok ki tha, “Thrünpuh sangdan hanlobah kiuto ching yüzahang. Atungpuh miki I mihmuzho ngüsho, apinü I belode arübah tüsho ju le azopung dangpung ane chido ngüloshihbah.

2 SAMUEL 15:25 Iomraidhean Croise

2 SAMUEL 6:17

Arünü Atungpuh sangdan lubah yüzah, tüsho khimyam alunglim Davidnü thsüa zokhi azopung kheak zo; tüsho Davidnü taka kingaün tüsho mungtsü kingaünkhi Atungpuh miki jih.

2 SAMUEL 7:2

kiulongthsüpuhnü Nathan wukihrü ki tha, “ Kheakü kheahang, I cedar sang yam ching lachoh, tüshe Thrünpuh sangdan a khimyam ching lah.”

MUNGSHIKHÜN 122:1

Küyimki arünü, “Isanü Atungpuh yam ching yüanü,” de I ki thakheanü I asüh.

MUNGSHIKHÜN 122:9

Atungpuh isa Thrünpuh dünkheaknü inü nü tsükhi yimbah.

MUNGSHIKHÜN 26:8

O Atungpuh , inü nü lapung yam, tüsho nü müretah lakhi dangpung muzholah.

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

ABEKHIT 15:13

“Nünü amuzhodakkhi ching nünü arhokhitkhi mihtsürü nünü be, nünü nü sühmühnü nü lapung amüsüh lim arü limbe.

ABEKHIT 33:12

Mosanü Atungpuh ki tha, “Harü mihtsürü bepü nünü I ki thade la, tüshe I lung shepü yübanü nünü I ki mümükheahshih. Inü nü mungnü mükheahlah tüsho I miki mihmüthsüm ngüdo de nünü tha.

ABEKHIT 33:13

Jumonü inü tamkhüntamnüchoh, I nü miki mihmüthsüm lasho, kheakü I ki nü limro huhang, junangde inü nü mükheahbah tüsho nü miki I mihmüthsüm ngübah. Tüsho ha trükshih nü mihtsürü ah de lümang.”

ISAIA 38:22

Hezekianü tha, “ Inü Atungpuh yam ching wutupü thsüde amütsan tümü a?”

JEREMIA 25:30

Jumonü nünü arü azhihde harü yubo alala müchitbah: Alomi ching larü alala azhihde Atungpuhnü achang kheaknü ahukbah, tüsho api amüsüh lapung chingnü api düsheak thsübah; apinü api lomi azhihde todakde ahukbah, tüsho kurungaso-nitrü nangde ahobah.

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”