2 SAMUEL 15:20 - AMÜSÜH HÜM CL Bible (BSI)

²⁰ Nü yini lang arükheah, tüsho kürü ching yübeanü inü mümükheah, khihni nü I lung rümde atsahshihba de? Alode yüang, tüsho nü keoniorübo nü lung bea lung; tüsho Atungpuhnü nü kheak amuzhodakkhi tüsho thiyuro huhshang.”

2 SAMUEL 15:20 Iomraidhean Croise

2 SAMUEL 2:5

Davidnü yunithsürübo thiyia Jabesh-gilead mihtsürü kilim yüshih, tüsho tha, “Atungpuhnü nüsa müngühjang, tümütüsho nüsanü ha thiyuro amuzho nüsa tungpuh Saul ki huh, tüsho api kiuyuka bahdo!

2 SAMUEL 2:6

Kheakü Atungpuhnü amuzhodakkhi tüsho thiyuro nüsa ki huhshang! Tüsho inü she nüsa thsambah jihbah tümütüsho nüsanü ha rhimo.

MUNGSHIKHÜN 25:10

Api tangzüng tüsho yukhümbo anirü alala apinü thiyuro tüsho amüthsümnü bechoh.

MUNGSHIKHÜN 56:8

Nünü I küpkhuk mükheahlah; I chikebo nü keluh ching yukchoh; jurübo nü hüm ching müla de?

MUNGSHIKHÜN 57:3

Apinü yinmi chingnü alojihbah tüsho I khümkhitbah; apinü I jungrü achih ngüshihbah. Thrünpuhnü api amüthsüm tüsho thiyuro arüshihbah.

MUNGSHIKHÜN 59:15

Arünü jim yimde rümde yüchoh, tüsho arü buk müthsüsho arünü arungchoh.

MUNGSHIKHÜN 61:7

Thrünpuh miki lünnü api kiulongthsü lashang; nü muzhodakkhi tüsho thiyuronü api kümdojang.

MUNGSHIKHÜN 61:8

Jumonü inü lünnü nü mungshikhünbo thsübah, junangde inü nimung aban I yuchihchimkhi rhimobah.

MUNGSHIKHÜN 85:10

Mihmüthsüm tüsho thiyuro rukhüh shoruachihdo; thiyuro-lungki tüsho mungtsü müthsüpachihdo.

MUNGSHIKHÜN 89:14

Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

MÜCHITMUDU 14:22

Sherünü amütsü asahchonü lakmihchoh yung de? Tüshe sherünü atsü asahchonü amuzho tüsho mulonglam ngüchoh.

MÜCHITMUDU 3:3

Mihmüthsüm tüsho thiyuronü nü dübahyukshih; jurü nü hung mükamde rhükkihang, nü mulong kheak thrütkihang,

AMOS 8:12

Arünü keto chingnü keto khiungde, tüsho dukulimnü aniakhiuklim khiungde arümbah; arünü yüla arüla de Atungpuh yu yimde ashanbah, tüshe arünü ju müngü.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

1 SAMUEL 23:13

Judüki David tüsho amihtsürübo 600 bande Keilah bahbah tsahmusu; arünü ayükhukpü lakhibo ching yü. Küyimki David Keilah chingnü akhindo de Saulnü asokhea, apinü alümkhi tukloabah.