2 SAMUEL 15:10 - AMÜSÜH HÜM CL Bible (BSI)

¹⁰ Tüshe Absalomnü Israel trük alala ching aram-yunithsürü yüshihde tha, “Nüsanü hulipungpung khungkhi soakede, ahoang: Hebron ching Absalom kiulongthsürü kamdo!”

2 SAMUEL 15:10 Iomraidhean Croise

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

2 SAMUEL 14:30

Jushu apinü ayamlarü ki tha, “ Kheahang, Joab lu ju, I arelah tüsho ju ching api yo barli lah; yüang tüsho mo thsahkihang.” Jumonü Absalom yamlarübonü thulu kheak mo thsahkih.

2 SAMUEL 15:9

Kiulongthsüpuhnü api ki tha, “Mungtsü chingnü yüang.” Jumonü api asürü, tüsho Hebron lim yü.

2 SAMUEL 19:10

Tüshe isa kurungkheak isanü mujude-mokhitkhi Absalom, thirithsü ching shea lah. Kheakü jumonü kiulongthsüpuh belodarüpü dünkheak tümü thsükhi nüsanü tümü she mütha le?”

2 SAMUEL 2:1

Ju dunglim Davidnü Atungpuh ki keokhi, “I Juda kiuto khürü ching wutuba shi?” Atungpuhnü api ki alo, “Wutuang.” Davidnü tha, “I küpü ching wutuba?” Apinü tha, “Hebron lim.”

2 SAMUEL 2:11

Hebron ching Juda trük kurungkheak Davidnü kam thüne tüsho khinu thuruk kiulongthsü.

2 SAMUEL 5:5

Hebron ching apinü Juda kurungkheak kam thüne tüsho khinu thuruk yakzan shuh; tüsho apinü Jirusalem ching Israel alala tüsho Juda kurungkheak kam samrükheak mahsam yakzan shuh.

1 KIULONG THSÜRÜ 1:11

Judüki Nathannü Solomon abe Bathsheba ki tha, “Haggith tsührü Adonija kiulongthsürü kamkhi nünü musode tüsho isa tungpuh Davidnü ju mümükheah de?

1 KIULONG THSÜRÜ 1:34

Ju ching amükeambuh Zadok tüsho wukihbuh Nathan anenü api Israel kurungkheak kiulongthsürü thsüpü mujude-mokhitshang; jushu hulipungpung khungang, tüsho thaang, ‘ Kiulongthsüpuh Solomon kutsüpde laang!’

2 KIULONG THSÜRÜ 9:13

Judüki arünü niokheamde arü khimmih lubah api thsungkheak jingdüküpung kheak khimjih; tüsho arünü hulipungpung khung, tüsho zhiyuk, “Jehu ju kiulongthsüpuh.”

1 KIUTHSÜYUKHEAN 11:3

Jumonü Israel azothsürübo alala Hebron ching kiulongthsüpuh ki arü, tüsho Davidnü Hebron ching Atungpuh miki arü kheak tangzüng khülang thsü. Tüsho Atungpuh yu yande arünü Israel kurungkheak kiulongthsürü thsüpü Samuel hode David mujude-mokhit.

1 KIUTHSÜYUKHEAN 12:23

Harü ha Atungpuh yu yande Saul kiulongthsü David kilim müthrijihpü Hebron ching api kilim arükhi bonungrü chamnak khekhibo.

1 KIUTHSÜYUKHEAN 12:38

Harü alala, thirithsürübonü shihkhin thsübah lümkhi alalanü Israel alala kurungkheak David kiulongthsürü kamshihpü Hebron ching arü; junangde aningkhi Israel alalanü David kiulongthsürü kamshihpü lümkhi khülang thsü.