2 SAMUEL 14:6 - AMÜSÜH HÜM CL Bible (BSI)

⁶ Nü yamlaberü tsührü athrürü mahne lakheah, tüshe ane thulu chingnü keochih-a lah; ane mihrungrü she mülakheah, tüsho khülangnü khülang buh kheak king tüsho api laksah.

2 SAMUEL 14:6 Iomraidhean Croise

THRÜNTAN 4:8

Kheakü Kainnü aniurü Abel ki tha, “Ike thulu ching yüanü.” Tüsho ane thulu ching lachoki Kainnü aniurü Abel azhihde wusu tüsho api laksah.

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

2 SAMUEL 13:29

Jumonü Absalomnü thiyukhüm jihkhi nangde ayamlarübonü Amnon kheak rhimo. Judüki kiulongthsüpuh tsührübo alala asürü tüsho nihbuh khoranunu kheak yükihbah tsokhamabah.

2 SAMUEL 14:5

Kiulongthsüpuhnü alibe ki keokhi, “Nü küpkhukkhi ju tümü a?” Alibenü alo, “Ayokhe, I khimoberü khülang ah; I niubuh sheabahdo.

2 SAMUEL 14:7

Kheakü betsührü alalanü nü yamlaberü kheak azhihde wusudo. Arünü thachoh, ‘Nihbuh khiungmungrü laksahbuh mihtsürü ju jihang, junangde yamrüplurüp lupü isanü thsümünimnim she apinü alaksahkhi akhiung rhangdung dünkheaknü isanü api laksahbah.’ Hanangde arünü I mulonglamkhi akheam thsümünimjihbah tüsho alomi kheak I niubuh mung mülapü thsüde tsührü mülashihde akambah.”

ABEKHIT 2:13

Apinü ashido she yü tüsho Ibrirü mahne rukachihkhi ngübah amülimbuh ki tha, “Tümü thsükhi nü müyamrü Ibrirü lakcho?”